ಪಾಡ್ದನ‌ ಕುಯಿಲ್‌ ಗಿಡಿಗೆರೆ‌ ರಾಮಕ್ಕ‌ ಮುಗೇರ್ತಿ‌ ದೇವೆರೆ ಅಂಗಾರ್‌ ಸೇರ್ಯೆರ್

Last updated on April 15th, 2024 at 12:59 pm

ರಾಮಕ್ಕ ಮುಗೇರ್ತಿ ತುಳುನಾಡ್ ದ ಪಾಡ್ದನ ವಿಶ್ವಕೋಶ ಇತ್ತಿಲೆಕ್ಕ, ಸಾರ ಸಾರ ಸಾಲ್ ದ ಸಿರಿ ಪಾಡ್ದನೊನು ಪನೊಂದಿತ್ತಿನಾರ್. ಮುಪ್ಪೊರ್ದುಲಾ ಎಚ್ಚಿನ ಮಲ್ಲ ಪಾಡ್ದನೊಲು ಮೆರೆಗ್ ಬರೊಂದಿತ್ತ್ಂಡ್.

ಕುಡ್ಲದ ವಾಮಂಜೂರುಡು ಪುಟ್ಟಿನ ರಾಮಕ್ಕ ಮುಗ್ಗೇರ್ತಿನ ಅಮ್ಮೆಗ್ ಕೂಕ್ರ ಮುಗೇರ ಬೊಕ್ಕ ಅಪ್ಪೆ ದುಗ್ಗಮ, 17 ನೇ ಪಿರಯೊಡು ಮೇರ್ ಕಟೀಲ್ ದ ಕೈತಲ್ದ ಗಿಡಿಗೆರೆತ ಕಾಪೀರ ಮುಗ್ಗೇರ ಮೆರೆನ್ ಮದ್ಮೆ ಆಯೆರ್. ತನ್ನ ಅಜ್ಜಿರ್ದ್ ಪಾಡ್ದನ ಸಂಧಿ ಕಟ್ಟರೆ, ಉರಲ್ ಪನರೆ ಪದ ಪನರೆ ಕಲ್ತಿನ ಮೇರ್ ಐವ ವರ್ಸೊಗ್ಲಾ ಎಚ್ಚ ಈ ಜನಪದ ಲೋಕೊಡು ಬೆನ್ನಿ ಬೆನ್ತೆರ್.

ಮೇರ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆರಾದ್ ಇತ್ತೆರ್ ಅಂಚೆನೆ ಮೆರೆಗ್ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿಲಾ ಬೈದ್ಂಡ್.