ಸುಳ್ಯ ಜೆಡಿಎಸ್ ನಾಯಕೆರ್ ಸಾಮೂಹಿಕ ರಾಜೀನಾಮೆ

Last updated on April 16th, 2024 at 09:04 am

ಸುಳ್ಯ: ಬಿಜೆಪಿ- ಜೆಡಿಎಸ್ ಮೈತ್ರಿಗ್ ಸುಳ್ಯಡ್ ವಿರೋಧ ತೋಜಿದ್‌ಬೈದ್ಂಡ್. 40 ವರ್ಷೊರ್ದು ಜನತಾದಳ ಪಕ್ಷೊಡು ಪ್ರಾಮಾಣಿಕವಾದ್ ಬೇಲೆ ಮಲ್ದಿನ ಜೆಡಿಎಸ್ ಕಾರ್ಯಕರ್ತೆರ್ ಪಕ್ಷೊಗು ರಾಜೀನಾಮೆ ಕೊರ್ದು, ಕಾಂಗ್ರೆಸ್ ಸೇರ್ಯೆರೆ ಪಿದಡ್ದೆರ್.

ಈ ಬಗೆಟ್ ಪತ್ರಿಕಾಗೋಷ್ಟಿ ಮಲ್ತಿನ ಜೆಡಿಎಸ್ ಮುಖಂಡೆರ್, ಎನ್ ಡಿ ಎ ಒಕ್ಕೂಟೊದೊಟ್ಟುಗು ಚುನಾವಣಾ ಮೈತ್ರಿನ್ ಮಲ್ತೊಂದಿನೆನ್ ಒತ್ತೊನೆರೆ ಆವಂದಿನೆರ್ದಾವರ ಜನತಾದಳ ಜಾತ್ಯತೀತ ಪಕ್ಷೊಡು ಬೆನ್ಯೆರೆ ಆಪುಜಿ. ಈ ದಿಸೆಟ್ ಸಮಾನಮನಸ್ಕೆರಾಯಿನ ಎಂಕುಲು ಮಾತ ಒಟ್ಟಾದ್ ಜನತಾದಳ ಪಕ್ಷೊದ ಪ್ರಾಥಮಿಕ ಪದುಕತನೊಗು ಈ ದಿನ ರಾಜೀನಾಮೆನ್ ಪಕ್ಷೊದ ರಾಷ್ಟ್ರೀಯ ಅಧ್ಯಕ್ಷೆರೆಗ್, ರಾಜ್ಯಧ್ಯಕ್ಷೆರೆಗ್ ಕೊರ್ತ ಪಂದ್ ಪಂಡೆರ್.

ಇತ್ತೆ ಎಂಕ್ಲೆನ್ ರಾಷ್ಟ್ರೀಯ ಕಾಂಗ್ರೆಸ್ ಪಕ್ಷೊದ ರಾಜ್ಯಧ್ಯಕ್ಷೆರ್ ಕಾಂಗ್ರೆಸ್ ಪಕ್ಷೊಗು, ಸೇರ್ಯೆರೆ ಲೆತ್ತ್‌ದೆರ್. ಮುಲ್ಪದ ಕಾಂಗ್ರೆಸ್ ಮುಖಂಡೆರೆಡ ಪಾತೆರ್ದ್ ಸಾಮೂಹಿಕವಾದ್ ಕಾಂಗ್ರೆಸ್ ಪಕ್ಷೊಗು ಸೇರುನ ನಿರ್ಧಾರೊಗು ಬತ್ತ್‌ದ ಪಂದ್ ಪಂಡೆರ್.