Last updated on August 27th, 2022 at 07:21 am
ಇಸ್ವೊದ ಫುಟ್‌ಬಾಲ್ ಗೊಬ್ಬುದ ಆಪುಪೋಪುಲೆನ್ ತೂವೊನುನ ಸಂಸ್ಥೆ ಫೀಫಾ(FIFA) ಪಿದಯಿದಕಲೆನ ಪ್ರಭಾವ ಜಾಸ್ತಿ ಉಂಡು ಪನ್ಪಿ ಕಾರಣೊಗು ಭಾರತೊದ ಆಲ್ ಇಂಡಿಯಾ ಫುಟ್‌ಬಾಲ್ ಫೆಡರೇಷನ್ (AIFF) ದ ಮಿತ್ತ ಪಾಡ್ದಿತ್ತಿ ನಿಷೇಧೊನು ಪಿರ ದೆತೊಂದುಂಡು.
AIFF ದ ಕಾರ್ಯಕಾರಿ ಸಮಿತಿದ ಅಧಿಕಾರೊನು ವೈಸೊನೆರ ಉಂಡುಮಲ್ತಿತ್ತಿ ‘ಥರ್ಡ್ ಪಾರ್ಟಿ’ ನಿರ್ವಾಹಕೆರೆ ಸಮಿತಿನ್ ಅಮಾನ್ಯ ಮಲ್ತ್‌ದ್, AIFFದ ಇಡೀ ಆಳ್ಮೆ AIFFದ ಕೈಟೇ ಉಂಡುಂದ್ ದೃಢ ಆಯಿಬೊಕ್ಕ FIFA ಈ ನಿರ್ಧಾರ ದೆತೊಂದುಂಡು. FIFA ಬೊಕ್ಕ AFC, AIFF ದ ಪ್ರತೀ ವಿಷಯೊದ ಮೇಲ್ವಿಚಾರಣೆ ಮಲ್ತೊಂದುಪ್ಪುಂಡು ಅಂಚೆನೇ AIFFದ ವೋಟ್ ಪೊರ್ತು ಪೊರ್ತುಡ್ ನಡಪಾಯೆರ ಬೆರಿತಾಂಗ್ ಕೊರ್ಪುಂಡುಂದ್ ತೆರಿದ್ ಬತ್ತ್ಂಡ್.
ಈ ನಿಷೇಧೊನು ಪಿರ ದೆತೊಂದಿನೆರ್ದಾವರ ನೆಕ್ಕ್ ದುಂಬು ಅಟ್ಟನೆ ಆದಿತ್ತಿನ 17 ವರ್ಸೊರ್ದ್ ತಿರ್ತ್‌ದ ಪೊಣ್ಣುಜೋಕುಲೆನ ಫೀಫಾ ವಿಶ್ವಕಪ್ ಅಕ್ಟೋಬರ್ 11ರ್ದ್ 30 ಮುಟ್ಟ ಭಾರತೊಡೇ ನಡಪುಂಡು.
