ಕಿನ್ನಿಗೋಳಿ : ಬಜ್ಜೈ ಬೊಕ್ಕ ಪಿಂಗಾರ ಕಂಡಿನಾಯನ್ ಪತ್ತಿನ ಬೇಲೆದಕುಲು

Last updated on April 25th, 2024 at 01:00 pm

ಬಜ್ಜೈ ಬೊಕ್ಕ ಪಿಂಗಾರ ಕಂಡೊಂದಿಪ್ಪುನಗ ಅಲ್ದ ಬೇಲೆದಕುಲು ಪತ್ತ್ ದ್ ಮುಲ್ಕಿ ಪೋಲಿಸೆರೆಗ್ ಒಪ್ಸಾಯಿನ ನಡಕೆ ಕಿನ್ನಿಗೋಳಿಡ್ ನಡದ್ಂಡ್.

ಕೆಂಚನಕೆರೆತ ಶ್ರೀಕಾಂತ್ ಶೆಟ್ಟಿ ಮೆರೆನ ತೋಟೊಡು ಬುದಾರ ಮದ್ಯಾಹ್ನ ಅಂಗಾರ ಗುಡ್ಡೆದ ವಿಜಯ(52) ಪನ್ಪಿನ ಜನ ಬಜ್ಜೈ ಬೊಕ್ಕ ಪಿಂಗಾರ ಕಂಡೊಂದಿಪ್ಪುನಗ, ತೋಟದ ಬೇಲೆದಾರ್ ಒರಿಯಾಯಿನ ನಾರಾಯಣ ಪನ್ಪಿನಾರ್ ಆರೋಪಿನ್ ಪತ್ತರೆ ಪೋನಗ ಆರೋಪಿ ಬಿಸತಿ ಪತೊಂದು ಅಟ್ಯಾಕ್ ಮಲ್ಪರೆ ಬತ್ತೆ.

ಅಪಗ ನಾರಾಯಣೆರ್ ಅರಬಾಯಿ ಪಾಡಿನ ತೂದು ಬೇತೆ ಬೇಲೆದಕುಲು ಬತ್ತ್ ಆರೋಪಿನ್ ಪತ್ತ್ ದ್ ಮುಲ್ಕಿ ಪೋಲೀಸ್ ಸ್ಟೇಷನ್ ಕೊನೊಯೆರ್.

ಸುಮಾರ್ ರಡ್ಡ್ ಕ್ವಿಂಟಾಲ್ ಬಜ್ಜೈ ಬೊಕ್ಕ 500 ರ್ದ್ ಎಚ್ಚಿನ ಪಿಂಗಾರ ಕಂಡ್ ದ್ ಪೋತುಂಡು ಪನ್ದ್ ಶ್ರೀಕಾಂತ್ ಶೆಟ್ಟಿ ಪೋಲೀಸೆರೆಗ್ ಕೊರ್ತಿನ ಒಯಿಲ್ ಡ್ ತೆರಿಪಾದೆರ್.