Last updated on April 29th, 2024 at 03:15 pm
ಪಡ್ಡೆದ್ರ: ಎಕ್ಸ್‌ಪ್ರೆಸ್ ಬಸ್ ಡ್ರೈವರ್ ತನ್ನ ಕಾರ್‌ನ್ ಓವರ್ ಟೇಕ್ ಮಲ್ತೆ ಪಂದ್ ಪಿಸ್‌ರ್‌ಡ್ ಪ್ರೈವೇಟ್ ಕಾರ್‌ದಾಯೆ ಒರಿ ಇನಿ ಕಾಂಡೆ ಬಸ್ ಡ್ರೈವರ್‌ನ ಮಿತ್ತ್ ಬಸ್ಸ್‌ದುಲಯಿ ಹಲ್ಲೆ ಮಲ್ದಿನ ನಡಕೆ ಒಡಿಪು ಜಿಲ್ಲೆದ ಪಡ್ಡೆದ್ರಡ್ ನಡತ್‌ದ್ಂಡ್.
ಮೂಲ್ಕಿದ ಇಸ್ಮಾಯಿಲ್ ಅತೀಕ್ (41) ಆರೋಪಿಯಾದಿತ್ತ್‌ದ್, ಬಸ್ ಡ್ರೈವರ್‌ನ್ ಶೈಲೇಂದ್ರ ಯಾನೆ ಶೈಲು ಪಂದ್ ಗುರ್ತ ಪತ್ತ್‌ದೆರ್.
ಪಡ್ಡೆದ್ರ ಪೊಲೀಸ್ ಸ್ಟೇಶನ್‌ಡ್ ಈ ಬಗೆಟ್ ಪ್ರಕರಣ ದಾಕಲಾತ್ಂಡ್. ಈ ಪೊರ್ತುಡು ಬಸ್ ಡ್ರೈವರ್‌ನ ಬಾರೀ ಬರಸ್‌ದ ಅಂಚೆನೇ ಗೋಸ್ಮರಿದ ಡ್ರೈವಿಂಗ್‌ದ ವಿರುದ್ಧಲಾ ಪ್ರಕರಣ ದಾಕಲಾತ್ಂಡ್.
ಪಡ್ಡೆದ್ರಡ್ ಉದ್ವಿಗ್ನ ಪರಿಸ್ಥಿತಿಗ, ಅಂಚ ಇಂಚ ಪನ್ಪಿ ಕಲು ಸುದ್ದಿಲೆನ್ ಪಸರ್‌ದ್, ಪಡ್ಡೆದ್ರಡ್ ಮಾಸ್ಟರ್ ಎಕ್ಸ್‌ಪ್ರೆಸ್ ಬಸ್ ಡ್ರೈವರ್‌ಗ್ ಬೀಸತ್ತಿ ಪಾಡ್ದೆರ್ ಪಂದ್ ವಾಟ್ಸಾಪ್‌ಡ್ ಕಲು ಸುದ್ದಿ ಪಟ್ಟೊಂಡಿನ ಆರೋಪದ ಮಿತ್ತ್ ನ್ಯೂಸ್ ವೆಬ್‌ಸೈಟ್ ವಿರುದ್ಧ ಪಡ್ಡೆದ್ರ ಪೊಲೀಸೆರ್ ಪ್ರಕರಣ ದಾಕಲ್ತೊಂದೆರ್. ನನ ದುಂಬಗ್ ಈ ಕಲು ಸುದ್ದಿನ್ ಸೋಶಿಯಲ್ ಮೀಡಿಯಾಡ್ ಪಟ್ಟೊಂಡ ಕಾನೂನು ಕ್ರಮ ಗೆತೊನುವ ಪಂದ್ ಪಡ್ಡೆದ್ರ ಪಿಎಸ್ ಐ ಪ್ರಸನ್ನ ತೆರೀಪಾದೆರ್.