Last updated on August 27th, 2022 at 11:30 am
ಕೇರಳ ಸರಕಾರ ತನ್ನ ನೆಲತ ಮೂಲ ಬಾಸೆಲೆಡ್ ಒಂಜಾಯಿನ ತುಳುನು ಒರಿಪಾದ್ ಬುಲೆಪಾವುನ ನಿಟ್ಟ್ ಡ್ ತನ್ನ ಸಂಸ್ಕೃತಿ ಇಲಾಖೆದ ತಿರ್ತ್ ತುಳು ಅಕಾಡೆಮಿ ಪನ್ಪಿನ ಒಂಜಿ ಸಂಸ್ಥೆನ್ ಉಂಡು ಮಲ್ದ್ಂಡ್. ಈ ತುಳು ಅಕಾಡೆಮಿಗ್ ಇಂಚಪ್ಪೊಗು ಪೊಸ ಪದುಕೆರೆನ್ ಬೊಕ್ಕ ಪೊಸ ಗುರ್ಕಾರ್ಲೆನ್ ಆಯ್ಕೆ ಮಲ್ತ್ಂಡ್. ತುಳು ಬಾಸೆದ ಪರಪೋಕುನು ಲೋಕೊರ್ಮೆ ಪಟ್ಟರೆ ಬೇತೆ ಬೇತೆ ಲೇಸುಲು ನನ ನಡಪುಂಡು ಪನ್ದ್ ಪೊಸ ಗುರ್ಕಾರೆ ಕೆ ಆರ್ ಜಯಾನಂದೆರ್ ಪಂಡೆರ್.
ಕೇರಳೊಡು ಬೇಕಲ ಮುಟ್ಟ ಉಪ್ಪುನ ಪರ ತುಳುನಾಡ್ ದ ಪರತಿರಿ ಇತೋರ್ತು ಸರಿಯಾದ್ ದಾಖಲೆ ಆತ್’ಜಿ. ತುಳುನಾಡ್ ದ ಪರತಿರಿನ್ ಸಂಶೋಧನೆ ಮಲ್ತ್ ದಾಖಲೆ ಮಲ್ಪುನ ಕಜ್ಜೊನು ಕೇರಳ ತುಳು ಅಕಾಡೆಮಿ ಮಲ್ಪುಂಡು ಪಂಡೆರ್.
ಕೋವಿಡ್ದಾವರ ಅಕಾಡೆಮಿದ ಬೇಲೆಲು ಪೂರಾ ಉಂತುದಿತ್ತ್ಂಡ್. ತುಳು ರಾಷ್ಟ್ರೀಯ ಪರ್ಬ ಮಲ್ಪರೆಗ್ ಉಂಡು. ಗ್ರಾಮೋತ್ಸವೊಲೆನ್ ನಡಪಾರೆ ಉಂಡು, ತುಳು ವಿಚಾರಸಂಕಿರೊಣೊಲೆನ್ ಪಟ್ಟುನ ಲೇಸುಲು ನಡಪರೆಗ್ ಉಂಡು.
ಒಂಜಿ ಕೋಡಿಡ್ ಕಾಸರಗೋಡುಡು ಮದೆ ಸೇರೊಂದುಪ್ಪುನ ತುಳುನು ಒರಿಪಾವುನ ಕಜ್ಜೊಗು ಅಕಾಡೆಮಿ ಕೈ ಪಾಡಿನವು ಪುಗರೊಡಾಯಿನ ವಿಚಾರ.
