“ಯಾನ್ ತುಳುವೆ, ತುಳುಟೇ ಪ್ರಮಾಣವಚನ ದೆತೊನುವೆ” ಪನ್ದ್ ವಿಧಾನಸೌಧೊಡು ತುಳುವೆರೆ ಸ್ವಾಭಿಮಾನ ಲಕ್ಕಾಯಿನ ವಸಂತ ಬಂಗೇರೆರ್ ತೀರಿಯೆರ್

Last updated on May 8th, 2024 at 06:01 pm

ಬೊಲ್ತೇರ್ ದ ಮಾಜಿ ಶಾಸಕೆ ಅಂಚೆನೆ ಸಚಿವೆ ವಸಂತ ಬಂಗೇರೆರ್ ಇನಿ ಬಯ್ಯ 4 ಗಂಟೆಗ್ ಬೆಂಗಳೂರುಡು ತೀರಿಯೆರ್. ಇಂಚೊಗು ಮೆರೆನ ಆರೋಗ್ಯ ಮಸ್ತ್ ತೆಟ್ಟ್‌ದಿತ್ತ್ಂಡ್. ಮೆರೆಗ್ ಬೆಂಗಳೂರುದ ಆಸ್ಪತ್ರೆಡ್ ಮರ್ದ್ ನಡತೊಂದಿತ್ತ್ಂಡ್.

ಎಲ್ಲೆ ಕಾಂಡೆ ಮೆರೆನ ಪಾರ್ಥಿವ ಶರೀರ ಬೊಲ್ತೇರ್‌ಗ್ ಬರ್ಪಿನ ನಿರೀಕ್ಷೆ ಉಂಡು. ಬೊಕ್ಕ ಸಾರ್ವಜನಿಕ ದರ್ಶನೊಗು ಅವಕಾಶ ತಿಕ್ಕುಂಡು ಪನ್ದ್ ತೆರಿದ್ ಬೈದ್ಂಡ್.