Last updated on May 14th, 2024 at 07:00 pm
ಸಿಸಿ ಕೆಮರಾ ಬೊಕ್ಕ ವೆಬ್ ಕಾಸ್ಟಿಂಗ್ ಮಲ್ತಿನೆರ್ದಾವರ SSLC ರಿಸಲ್ಟ್ ಡ್ ಶೇ.30 ದಾತ್ ಕುಂದೆಲ್ ಬೈದ್ಂಡ್ ಪನ್ಪಿನ ಅಧಿಕಾರಿಲೊನ ಪಾತೆರ ಪತ್ತ ಕಲು. ರಿಸಲ್ಟ್ ಕುಂದೆಲ್ ಆವರೆ ಇಲಾಖೆದ ಅಧಿಕಾರಿಲೆನ ಬೇಜವಾಬ್ದಾರಿಯೇ ಕಾರಣೊ ಪನ್ದ್ ಕರ್ನಾಟಕ ಖಾಸಗಿ ಶಾಲಾ ಆಡಳಿತ ಮಂಡಳಿಲು, ಬೋಧಕ ಬೊಕ್ಕ ಬೋಧಕೇತರ ಸಿಬ್ಬಂದಿಲೆನ ಸಮನ್ವಯ ಸಮಿತಿ ಒಯಿಲ್ ಮಲ್ದ್ಂಡ್.
ಸೋಮಾರ ಜಂಟಿ ಸುದ್ದಿಗೋಷ್ಠಿಡ್ ಪಾತೆರಿನ ಕ್ಯಾಮ್ಸ್‌, ಕುಸ್ಮಾ, ಮಾಸ್‌, ಮಿಕ್ಸಾ, ಎಬಿಸಿ, ಸೆಕ್‌, ಕುಮ್ಸಾ, ಐಎಸ್‌ಎಫ್ಐ, ಟಿಯು ಇಂಚಿನ ಖಾಸಗಿ ಶಾಲಾ ಸಂಘಟನೆಲೆನ ಪ್ರತಿನಿಧಿಲಾಯಿನ ಡಿ.ಶಶಿಕುಮಾರ್‌, ಸತ್ಯಮೂರ್ತಿ, ಆನಂದ್‌ ಬಾಬು, ಶೇಖರ್‌, ನಟೇಶ್‌, ಸುಪ್ರೀತ್‌ ಮೊಕುಲು, 5ನೇ ತರಗತಿ ಮುಟ್ಟದ ಪಠ್ಯ ಕರಿನ 18 ವರ್ಷೊರ್ದು ಪರಿಷ್ಕರಣೆ ಆತಿಜಿ. ಪಠ್ಯ ಅಪ್ರಸ್ತುತ ಆತಿನ ಬಗೆಟ್ ವರದಿ ಇತ್ತ್ಂಡಲಾ ಪರಿಷ್ಕರಣೆಗ್ ಕ್ರಮ ದೆತೊನ್ದುಜೆರ್. 10 ವರ್ಷ ಪಾಠ ಓದುದು ಎಸೆಸೆಲ್ಸಿಡ್ ಕನಿಷ್ಠ 25 ಮಾರ್ಕ್ ದೆಪ್ಪರೆ ಆವಂದಿನ ಸ್ಥಿತಿಟ್ ವಿದ್ಯಾರ್ಥಿಲು ಉಪ್ಪುನ ಬಾರೀ ಬೆಸರ್ದ ಸಂಗತಿ ಪನ್ಡೆರ್.