Last updated on May 17th, 2024 at 11:35 am
ಕುಡ್ಲ: ನಾಪತ್ತೆ ಆದಿತ್ತಿನ ಪೊಂಜೊವು ಒರ್ತಿ ಕುಡ್ಲ ಅಂತಾರಾಷ್ಟ್ರೀಯ ವಿಮಾನ ಉಂತಡೆಡ್ ತಿಕ್ಕ್‌ದೆರ್. ಕದ್ರಿದ ಪೊಂಜೊವು ಒರ್ತಿ ನಾಪತ್ತೆ ಆತಿನ ಬಗೆಟ್ ಪೊಲೀಸೆರೆಗ್ ಒಯಿಲ್ ಬತ್ತಿತ್ತ್ಂಡ್. ಮೇ 14 ತಾನಿ ಪೊಂಜೊವು ವಿಮಾನ ಉಂತಡೆಡ್ ತಿಕ್ಕ್‌ದಿತ್ತ್‌ದ್ ಆರೆನ್ ಆರೆನ ಇಲ್ಲದಕುಲೆನೊಟ್ಟುಗು ಕಡಪುಡ್ದ್ ಕೊರ್ತೆರ್.
ವಿಮಾನ ಉಂತಡೆರ್ದ್ ಪಿದಯಿ ಪೋಪಿನಲ್ಪ ಇತ್ತಿನ ಮೆರೆನ್ ವಿಮಾನ ಉಂತಡೆದ ಭದ್ರತಾ ಸಿಬ್ಬಂದಿ ವಿಚಾರಿಪುನಗ ಸಮ ಸದು ಕೊರ್ತುಜೆರ್. ಎನನ್ ಎದುಕೊನೆರ ಜನ ಬರೊಂದುಲ್ಲೆರ್ ಪಂದ್ ಪನೊಂದಿತ್ತೆರ್. ಅಂಚಾದ್ ಸಂಶಯೊಡು ವಿಚಾರಣೆ ಮಲ್ತ್ಂಡಲಾ ಸಮ ಒಲವು ತಿಕ್ಕ್‌ದಿಜಿ. ಬೊಕ್ಕ ಪೊಲೀಸೆರೆಗ್ ಈ ಬಗೆಟ್ ಉಂತಡೆರ್ದ್ ಒಲವು ಕೊರ್ತೆರ್. ನಾಪತ್ತೆ ಆತಿನ ಪೊಂಜೊವುಲಾ, ವಿಮಾನ ಉಂತಡೆಡ್ ಇಪ್ಪುನಾರ್‌ಲಾ ಒಂಜೇ ಪಂದ್ ತೆರಿದ್ ಬತ್ತ್ಂಡ್.
ವಿಮಾನ ಉಂತಡೆಡ್ CISF ಮಹಿಳಾ ಅಧಿಕಾರಿಲು, ಉಂದೆಕ್ ಸಂಬಂಧಿತಿನ ಬೇತೆ ವಿಭಾಗೊದಕುಲು ಆರೆಗ್ ಅಸರ್-ತೆನಸ್, ಅಗತ್ಯ ಚಾಕಿರಿ ಮಲ್ತ್‌ದ್ ಉಪಚರಿತೆರ್. ಬೊಕ್ಕ ಪೋಲೀಸೆರೆ ಒಟ್ಟುಗು ವಿಮಾನ ಉಂತಡೆಗ್ ಬತ್ತಿನ ಇಲ್ಲದಕುಲೆನೊಟ್ಟುಗು ಆರೆನ್ ಕಡಪುಡ್ದ್ ಕೊರ್ತೆರ್. ಆರ್ ಒವ್ವಾ ನೆವನೊಡು ಅಂಚಿಂಚಿ ಆದ್ ಕದ್ರಿರ್ದ್ ರಿಕ್ಷಾಡ್ ವಿಮಾನ ಉಂತಡೆಗ್ ಬೈದೆರ್ ಪಂದ್ ಅಧಿಕಾರಿಲು ತೆರಿಪಾದೆರ್.