Last updated on August 28th, 2022 at 10:39 am
ಕ್ರಿಕೆಟ್ ಅಭಿಮಾನಿಲು ಮಸ್ತ್ ಸಮೆರ್ದಾಂಚಿ ಕಾತೊಂದಿತ್ತಿನ ಏಷಿಯಾ ಕಪ್ 2022 ಕಡೆಕ್ಲಾ ಸುರು ಆತ್ಂಡ್. ಆಗಸ್ಟ್ 27 ಸುರುವಾಯಿನ ಈ ಲೀಗ್‌ದ ಹೈ ವೋಲ್ಟೇಜ್ ಮ್ಯಾಚ್ ಭಾರತ Vs ಪಾಕಿಸ್ತಾನ ಇನಿ ಬಯ್ಯಡ್ ಯು.ಎ.ಇ ದ ದುಬೈ ಇಂಟರ್‌ನ್ಯಾಷನಲ್ ಕ್ರಿಕೆಟ್ ಸ್ಟೇಡಿಯಂ ಡ್ ನಡಪೆರೆಗುಂಡು. ಇಡೀ ಟೂರ್ನಮೆಂಟ್‌ಡೇ ಫೈನಲ್ ಮ್ಯಾಚ್‌ರ್ದ್‌ಲಾ ಜಾಸ್ತಿ ರೋಮಾಂಚನ ಕೊರ್ಪುನ ಮ್ಯಾಚ್ ಉಂದಾದುಂಡು. ಕ್ರಿಕೆಟ್ ಲೋಕೊದ ಮಾಮಲ್ಲ ಪಗೆಮಾನಿಲೆ ಗೊಬ್ಬುಗು ಇಡೀ ವಿಶ್ವ ಕಾತೊಂದುಂಡು.
ಕರಿವರ್ಸ ನಡತಿನ T20 ವಿಶ್ವಕಪ್‌ 2021ಡ್ ಪಾಕಿಸ್ತಾನ ಭಾರತೊನು 10 ವಿಕೆಟ್‌ಡ್ ಸೋಪಾದಿತ್ತಂಡ್. ಈ ಸೊಲ್‌ಗ್ ಉತ್ತರ ಕೊರ್ಯೆರ ಭಾರತೊ ಕೊಡಿಕಾರ್‌ಡ್ ಉಂತುದುಂಡು.
ರಡ್ಡ್ ಬರಿತಲಾ ಸ್ಟಾರ್ ಬೌಲರ್ಸ್ ಜಸ್ಪ್ರೀತ್ ಬೂಮ್ರಾ ಬೊಕ್ಕ ಶಹೀನ್ ಅಫ್ರಿದಿ ಇಜ್ಜಂದಿನೆರ್ದಾವರ ಮ್ಯಾಚ್ ಎಂಚ ತಿರ್ಗುಂಡುಂದ್ ಪನರೆ ಆಪುಜಿ.
ಭಾರತ: ರೋಹಿತ್ ಶರ್ಮಾ (C), ವಿರಾಟ್ ಕೊಹ್ಲಿ, ಸೂರ್ಯ ಕುಮಾರ್ ಯಾದವ್, ಹಾರ್ದಿಕ್ ಪಾಂಡ್ಯ, ದೀಪಕ್ ಹೂಡ, ರವೀಂದ್ರ ಜಡೇಜಾ, ರವಿಚಂದ್ರನ್ ಅಶ್ವಿನ್, ಕೆ ಎಲ್ ರಾಹುಲ್, ರಿಷಭ್ ಪಂತ್, ದಿನೇಶ್ ಕಾರ್ತಿಕ್, ಭುವನೇಶ್ವರ್ ಕುಮಾರ್, ಅರ್ಷ್‌ದೀಪ್ ಸಿಂಗ್, ರವಿ ಬಿಷ್ಣೊಯ್, ಆವೇಶ್ ಖಾನ್, ಯಜುವೇಂದ್ರ ಚಾಹಲ್
ಪಾಕಿಸ್ತಾನ: ಬಾಬರ್ ಅಜಮ್(C), ಫಖರ್ ಜಮಾನ್, ಹೈದರ್ ಆಲಿ, ಖೂಶ್ದಿಲ್ ಷಾ, ಆಸಿಫ್ ಅಲಿ, ಇಫ್ತಿಕರ್ ಅಹ್ಮದ್, ಶಾದಾಬ್ ಖಾನ್, ಮಹಮ್ಮದ್ ನವಾಜ್, ಹಸನ್ ಆಲಿ, ಮಹಮ್ಮದ್ ರಿಜ್ವಾನ್, ಹ್ಯಾರಿಸ್ ರೌಫ್, ನಸೀಮ್ ಷಾ, ಷಹ್‌ನವಾಜ್ ದಹನಿ, ಉಸ್ಮಾನ್ ಖಾದಿರ್, ಮಹಮ್ಮದ್ ಹಸ್ನೈನ್.
