ದುಬೈಡ್ ಆರಾಮೊಡು ಬೇಲೆ ಮಲ್ತೊಂದಿತ್ತಿನಕುಲು..ಇಡೆ ಬತ್ತ್‌ದ್ ಪಗೆಪುಟ್ಟಾವುನ ಪೋಸ್ಟ್ ಪಾಡ್ದ್ ತಿಕ್ಕ್‌ದ್ ಬೂರ್ದೆರ್ – ಸುಧೀರ್ ಕುಮಾರ್ ರೆಡ್ಡಿ

Last updated on June 5th, 2025 at 09:13 am

ಕುಡ್ಲ ಜೂನ್ 05: ಸಾಮಾಜಿಕ ಬಲೆತ್ತಾನೊಡು ಸಮಾಜೊದ ಶಾಂತಿ ನೆಮ್ಮದಿನ್ ಕಲೆಂಕಾವುನ ಬೇಲೆ ಮಲ್ತೊಂದು, ಪ್ರಚೋದನಕಾರಿ ಸೊಲ್ಲಂಜೊಲೆನ್ ಸಾಮಾಜಿಕ ಬಲೆತ್ತಾನೊಡು ಪಟ್ಟೊಂದಿತ್ತಿನ 5 ಜನ ಜವನೆರೆನ್ ಪೊಸಲೀಸೆರ್ ಅರೆಸ್ಟ್ ಮಲ್ತ್‌ದೆರ್.

ಕೈದಾತಿನಕಲೆನ ಒಲವು

1. ಮೊಹಮ್ಮದ್ ಅಸ್ಲಾಂ , ಪ್ರಾಯ:23 ವರ್ಸ ಒಡಿಪು ಜಿಲ್ಲೆ. ಉಂಬ್ಯೆ ಸೌದಿ ಅರೇಬಿಯಾರ್ದ್ team_jokerzzz. ಪನ್ಪಿ Instagram ಪೇಜ್ ಮುಕೇನ ಪ್ರಚೋದನಕಾರಿ ಪೋಸ್ಟ್‌ಲೆನ್ ಪಟ್ಟೊಂದಿನ ಆಧಾರೊಡು ತೆನ್ಕಾಯಿ ಕುಡ್ಲ ಪೊಲೀಸ್ ಸ್ಟೇಶನ್‌ಡ್ ಠಾಣಾ ಅಪರಾಧ ಕ್ರಮಾಂಕ: 88/2025 ಕಲಂ.192, 353 (2) ಭಾರತೀಯ ನ್ಯಾಯ ಸಂಹಿತೆದ ಪ್ರಕಾರ ಪ್ರಕರಣ ದಾಂಲಾತ್ಂಡ್. ಈ ಪ್ರಕರಣೊದ ಆರೋಪಿ ಮೊಹಮ್ಮದ್ ಅಸ್ಲಾಂ ಮಿತ್ತ್ LOC ಪಿದಡ್ಪಾದ್, ದಸ್ತಗಿರಿ ಮಲ್ದ್, ಜಡ್ತೆ ನಡತೊಂದುಂಡು.

2. ಚೇತನ್ ಪ್ರಾಯ: 20 ತೊರ್ತಲ್, ಕುಡ್ಲ, ಬೊಕ್ಕ ನಿತಿನ್ ಅಡಪ ಪ್ರಾಯ:23 ವರ್ಸ, ಹಳೆಯಂಗಡಿ ಪೋಸ್ಟ್ ಕುಡ್ಲ ಮೊಕುಲು ಮುಸ್ಲಿಂ ಪುದರೊ‌ದ ಸಿಮ್ ಕಾರ್ಡ್‌ನ್ ಗಲಸ್‌ದ್ team_karna_surathkal ಪನ್ಪಿ Instagram ಫೇಜ್ ಓಪನ್ ಮಲ್ತಿತ್ತ್‌ದ್, ಈ ಪೇಜ್‌ಡ್ ಚೆನ್ನಪ್ಪ @ ಮುತ್ತು ಸುರತ್ಕಲ್ ಪನ್ಪಿನಾಯೆ ಪ್ರಚೋದನಕಾರಿ ಪೋಸ್ಟ್ ಶೇರ್ ಮಲ್ದಿನ ಆಧಾರೊಡುದಲ್ಲಿ ಬಡಕಾಯಿ ಕುಡ್ಲ ಪೊಲೀಸ್ ಸ್ಟೇಶನ್‌ಡಾ ಠಾಣಾ ಅಪರಾಧ ಕ್ರಮಾಂಕ: 58/2025 ಕಲಂ. 196(1), 353(2) ಭಾರತೀಯ ನ್ಯಾಯ ಸಂಹಿತೆದ ಪ್ರಕಾರ ಪ್ರಕರಣ ದಾಕಲಾತ್ಂಡ್. ಈ ಪ್ರಕರಣೊಡು ಚೇತನ್ ಬೊಕ್ಕ ನಿತಿನ್ ಅಡಪ ಮೊಕಲೆನ್ ದಸ್ತಗಿರಿ ಮಲ್ತಿತ್ತ್‌ದ್, ಜಡ್ತೆ ನಡತೊಂದುಂಡು.

3. ರಿಯಾಝ್ ಇ್ರಬಾಹಿಂ, ಪ್ರಾಯ:30 ವರ್ಸ, ಫರಂಗಿಪೇಟೆ ಕುಡ್ಲ. ಉಂಬ್ಯೆ ಸೌದಿ ಅರೇಬಿಯಾರ್ದ್ Beary_royal_nawab ಪನ್ಪಿ Instagram ಪೇಜ್‌ದ ಮುಕೇನ ಪ್ರಚೋದನಕಾರಿ ಪೋಸ್ಟ್‌ಲೆನ್ ಶೇರ್ ಮಲ್ದಿನ ಆಧಾರೊಡು ಬರ್ಕೆ ಪೊಲೀಸ್ ಸ್ಟೇಶನ್‌ಡ್ ಠಾಣಾ ಅಪರಾಧ ಕ್ರಮಾಂಕ: 44/2025 ಕಲಂ. 353 (2) ಭಾರತೀಯ ನ್ಯಾಯ ಸಂಹಿತೆ ಬೊಕ್ಕ ಮುಲ್ಕಿ ಪೊಲೀಸ್ ಸ್ಟೇಶನ್‌ಡ್ ಠಾಣಾ ಅಪರಾಧ ಕ್ರಮಾಂಕ: 42/2025 ಕಲಂ.353 (1) (c), 353(2) ಭಾರತೀಯ ನ್ಯಾಯ ಸಂಹಿತೆದ ಪ್ರಕಾರ ಪ್ರಕರಣ ದಾಕಲಾತ್ಂಡ್. ಈ ಪ್ರಕರಣೊಡು ರಿಯಾಝ್ ಇ್ರಬಾಹಿಂನ ಮಿತ್ತ್  LOC ಮಲ್ತ್‌ದ್, ದಸ್ತಗಿರಿ ಮಲ್ತ್‌ದ್, ಜಡ್ತೆ ನಡತೊಂದುಂಡು.

4. ಜಮಾಲ್ ಝಾಕೀರ್, ಪ್ರಾಯ:21 ವರ್ಸ ಕಸಬಾ ಬೆಂಗ್ರೆ, ಕುಡ್ಲ  Troll_bengare_ro_makka ಪನ್ಪಿ Instagram ಪೇಜ್‌ಡ್ ಪ್ರಚೋದನಕಾರಿ ಪೋಸ್ಟ್ ಶೇರ್ ಮಲ್ದಿನ ಆಧಾರೊಡು ಮುಲ್ಕಿ ಪೊಲೀಸ್ ಸ್ಟೇಶನ್‌ಡ್ ಠಾಣಾ ಅಪರಾಧ ಕ್ರಮಾಂಕ: 44/2025 ಕಲಂ.353 (1) (c), 353(2) ಭಾರತೀಯ ನ್ಯಾಯ ಸಂಹಿತೆದ ಪ್ರಕಾರ ಪ್ರಕರಣ ದಾಕಲಾತ್ಂಡ್. ಈ ಪ್ರಕರಣೊಡು ಜಮಾಲ್ ಝಾಕೀರ್‌ನಾ ದಸ್ತಗಿರಿ ಮಲ್ತ್‌‌ದ್, ಜಡ್ತೆ ಮಲ್ತೊಂದುಲ್ಲೆರ್.

5. ಗುರು ಪ್ರಸಾದ್, ಹಳೆಯಂಗಡಿ, ಕುಡ್ಲ Guru dprasad Haleyangadi ಪನ್ಪಿ Facebook ಅಕೌಂಟ್‌ಡ್ ಪ್ರಚೋದನಕಾರಿ ಪೋಸ್ಟ್ ಶೇರ್ ಮಲ್ದಿನ ಆಧಾರೊಡು ಮುಲ್ಕಿ ಪೊಲೀಸ್ ಸ್ಟೇಶನ್‌ಡ್ ಠಾಣಾ ಅಪರಾಧ ಕ್ರಮಾಂಕ: 53/2025 ಕಲಂ.196(1),(A),353(2),79,56 ಭಾರತೀಯ ನ್ಯಾಯ ಸಂಹಿತೆದ ಪ್ರಕಾರ ಪ್ರಕರಣ ದಾಕಲಾತ್ಂಡ್, ಗುರು ಪ್ರಸಾದ್‌ನ್ ದಸ್ತಗಿರಿ ಮಲ್ತ್‌ದ್, ಜಡ್ತೆ ಮಲ್ತೊಂದುಲ್ಲೆರ್.

ಈ ಪ್ರಕರಣೊಲೆನ ಬಗೆಟ್ ಪಾತೆರಾನ ಪೊಲೀಸ್ ಆಯುಕ್ತೆ ಸುಧೀರ್ ಕುಮಾರ್ ರೆಡ್ಡಿ ಕರಿನ 2 ತಿಂಗೊಳುರ್ದಿಂಚಿ ಸಾಮಾಜಿಕ ಬಲೆತ್ತಾನೊಡು ಪ್ರಚೋದನಕಾರಿಯಾದ್ ಪೋಸ್ಟ್ ಪಾಡೊಂದಿತ್ತೆರ್, ಎಂಕ್ಲ ದುಂಬೇ ರಿಕ್ವೆಸ್ಟ್ ಮಲ್ತ್ಂಡಲಾ ಕುಡ ಕುಡ ಪೋಸ್ಟ್ ಮಲ್ತೊಂದೇ ಇತ್ತೆರ್, ಅಂಚಾದ್ ಸಾಮಾಜಿಕ ಬಲೆತ್ತಾನೊದ ಮಿತ್ತ್ ಕಣ್ಣ್ ದೀವರೆ ಟೀಂ ರೆಡಿ ಮಲ್ತಿತ್ತ್‌ದ್, ಅಕುಲು ನಾಲ್ ದಿನ ಬೇಲೆ ಮಲ್ತ್‌ದ್ 5 ಜನೊನು ಅರೆಸ್ಟ್ ಮಲ್ತ್‌ದೆರ್. ನನಲಾ ಕೆಲ ಜನೊನು ಅರೆಸ್ಟ್ ಮಲ್ಪೆರೆ ಉಂಡು ಪನ್ದ್ ಪನ್ಡೆರ್.

ಒವ್ವೇ ನೆವನೊಗ್ಲಾ ಬೇತೆಕ್ಲೆಗ್ ಬೇನೆ ಆಪಿನಂಚಿನ ಪೋಸ್ಟ್ ಮಲ್ಪೊರ್ಚಿ..ಸಮಾಜೊಡು ಶಾಂತಿ ಹಾಳಾಪಿನಂಚಿನ ಪೋಸ್ಟ್ ಮಲ್ತ್ಂಡ ಕಾನೂನು ಕ್ರಮ ಗೆತೊನುವ. ಇತ್ತೆ ಅರೆಸ್ಟ್ ಆತಿನೆಟ್ ದುಬೈಡ್ ಬೇಲೆ ಮಲ್ತೊಂದಿತ್ತಿನಕುಲ್ಲಾ ಉಲ್ಲೆರ್. ನಿಕುಲು ಒಲ್ಪ ಇತ್ತರ್ನ್ಡಲಾ ಪೊಲೀಸೆರ್ ನಿಕ್ಲೆನ್ ಬುಡ್ಪುಜೆರ್ ಪನ್ದ್ ಎಚ್ಚರ್ಗೆ ಕೊರ್ತೆರ್.