Last updated on June 5th, 2025 at 12:50 pm
ಬಂಟ್ವಾಳ ಜೂನ್ 05: ವಿಷತ ಉಚ್ಚು ತುಚ್ಚಿನೆರ್ದಾವರ ಇಂಚಿಪ ಮದಿಮೆ ಆದಿತ್ತಿನ ಜವನೆ ಒರಿ ತೀರ್ದಿನ ನಡಕೆ ಬಂಟ್ವಾಳ ತಾಲೂಕ್ಡ ತೆಂಕಕಜೆಕಾರ್ ಗ್ರಾಮೊದ ಪಾದೆದಿಲ್ಲ್ ಪನ್ಪಿನಲ್ಪ ಅಂಗಾರೆ ನಡತ್ದ್ಂಡ್.
ತೀರ್ದಿನಾರೆನ್ ಅಶ್ರಫ್(28) ಪನ್ದ್ ಗುರ್ತ ಪತ್ತ್ದೆರ್. ಕೂಲಿ ಬೇಲೆ ಮಲ್ತೊಂದಿತ್ತಿನ ಮೇರ್ ಪಾಂಡವೆರೆಕಲ್ಲ್ಡ್ ಒಂಜಿ ಇಲ್ಲಡ್ ಬಜ್ಜೈ ಕಲೆವೊಂದುಪ್ಪುನಗ ಮಧ್ಯಾಹ್ನದ ಪೊರ್ತುಡು ಕಾರ ಬಿರೆಲ್ಗ್ ಉಚ್ಚು ತುಚ್ಚಿದ್ಂಡ್. ಅಪಗನೇ ಆರೆಗ್ ಮುಟ್ಟದ ಪುಲಮರ್ದ್ ಕೊರ್ಪುನ ಬೈದ್ಯೆರೆಡ ಮರ್ದ್ ಮಲ್ಪಾದಿತ್ತೆರ್. ಆಂಡ ಆರೆನ ಸ್ಥಿತಿ ಜೋರಾವೊಂದಿತ್ತಿಲೆಕ ಕುಡ್ಲದ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಂಡ ಸಾದಿ ನಡುಟು ಆರ್ ತೀರ್ದೆರ್. ಅಶ್ರಫ್ರೆಗ್ ಆಜಿ ತಿಂಗೊಳುಗು ದುಂಬಾತೆ ಮದಿಮೆ ಆದಿತ್ತ್ದ್, ಬೊಡೆದಿ ಬಂಜಿನಾಲ್. ಇಲ್ಲದ ಕುಬೆ ಆದಿತ್ತಿನ ಅಶ್ರಫ್ ತೀರ್ದಿನವು ಮಾತೆರೆಗ್ಲಾ ಬೆಸರ್ ಕನೈದ್ಂಡ್.