Last updated on September 3rd, 2022 at 11:04 am
ಇಂಚಿಪ್ಪೊಗು ಶವರ್ಮ ತಿಂದ್‌ದ್16 ವರ್ಸ ಪ್ರಾಯೊದ ಜವ್ವನೆ ಉಸುಲು ಬುಡ್ನ ಇಸಯ ಕೇರಳರ್ದ್ ವರದಿ ಆದಿತ್ತ್ಂಡ್.
ಈ ಇಸಯೊನು ಗಾತಿಡ್ ದೆತೊಂದಿನ ಕೇರಳ ಸರ್ಕಾರ ಗುರ್ವಾರೊದಾನಿ ಪೊಸ ನೇಮೊಲೆನ್ ಉಂಡುಮಲ್ದ್ಂಡ್. ಅವೆತ ಪಿರ್ಕಾರ ನನ ಶವರ್ಮ ಮಾರ್ಯೆರ ಲೈಸೆನ್ಸ್ ಕಡ್ಡಾಯ!
ಆರೋಗ್ಯ ಇಲಾಖೆರ್ದ್ ಬತ್ತಿನ ಈ ನೋಟೀಸ್‌ಡ್ ನೇಮೊಲೆನ್ ಕಡತ್‌ದ್, ಲೈಸೆನ್ಸ್‌ದಾಂತೆ ಏರ್ಲಾ ಶವರ್ಮ ಮಾರೊಂದಿತ್ತೆರ್ನ್ಡ 5 ಲಕ್ಷ ದಂಡ ಅಂಚೆನೇ 6 ತಿಂಗೊಲು ಕರ್ಪಿಲ್ಲ ಶಿಕ್ಷೆ ಆಪುಂಡು ಪಂದ್ ಉಂಡು.
ನೆತ್ತ ಒಟ್ಟುಗು ಅಟಿಲ್ ಎಂಚ ಮನ್ಪೊಡು, ಮನ್ತಿನೆನ್ ಎಂಚ ಮಾರೊಡು, ಪಾರ್ಸೆಲ್ ತೊಟ್ಟೆ ಎಂಚ ಇಪ್ಪೊಡು ಪಂದ್‌ಲಾ ಉಂಡು. ಪ್ಯಾಕೆಟ್‌ಡ್ ಮಲ್ತಿನ ತಾರೀಕ್ ಪಾಡೊಡು, ಒಂಜಿ ಗಂಟೆರ್ದ್ ಎಚ್ಚ ಶವರ್ಮನ್ ಪಿದಯಿ ದೀವರೆ ಬಲ್ಲಿ, ರಡ್ಡ್ ದಿನೊಕ್ ದುಂಬುದ ಮೆಯೋನೀಸ್‌ನ್ ಗಲಸೆರೆ ಬಲ್ಲಿ ಇಂಚ ಕೆಲಕ್ ಕಡಕ್ ನೇಮೊಲು ಉಲ್ಲ.
ಇಂಚಿಪ್ಪೊಗು ಒರಿ ಜವನೆ ತೀರಿನೆರ್ದಾವರ ಬೊಕ್ಕ ಶವರ್ಮ ತಿಂದ್‌ದ್ ಕಾಸ್ರೋಡ್‌ದ 40 ಜನ ಆಸ್ಪತ್ರೆ ಸೇರಿನೆರ್ದಾವರ ಇಂಚಿನ ನಿರ್ಧಾರ ಸರಕಾರ ದೆತೊಂದುಂಡು.
