Last updated on September 1st, 2022 at 11:45 am
ಬುದಾರೊದಾನಿ ನಡತಿನ ಭಾರತ-ಹಾಂಕ್‌ಕಾಂಗ್ ಮ್ಯಾಚ್‌ಡ್ ಹಾಂಕ್‌ಕಾಂಗ್‌ನ್ 40 ರನ್‌ಡ್ ಸೋಪಾದ್ ಭಾರತ ಸೂಪರ್-4 ಪಟ್ಟಿಡ್ ತನ್ನ ತಾನೊನು ಗಟ್ಟಿ ಮನ್ತೊಂದ್ಂಡ್.
ಸುರುಕ್ ಬ್ಯಾಟಿಂಗ್ ಮಲ್ತಿನ ಭಾರತ ಸೂರ್ಯಕುಮಾರ್ ಯಾದವ್‌ (68*) ಬೊಕ್ಕ ವಿರಾಟ್ ಕೊಹ್ಲಿ (59*) ಮೊಕ್ಲೆನ 98 ರನ್‌ದ ಪಾಸಾಡಿಗೊಬ್ಬುರ್ದಾವರ 20 ಓವರ್‌ಡ್ 192 ರನ್ ಒಟ್ಟು ಮಲ್ತ್ಂಡ್. ಈ ಸ್ಕೋರ್‌ಡ್ ಕೆ ಎಲ್ ರಾಹುಲ್ (36) ಬೊಕ್ಕ ರೋಹಿತ್ ಶರ್ಮಾ (21) ಮೊಕಲ್ನಲಾ ಪಾಲ್ ಉಂಡು.
ಕಾಲಿ 22 ಬಾಲ್‌ಡ್ 50 ರನ್ ಓಟ್ಟು ಮಲ್ತಿನ ಸೂರ್ಯಕುಮಾರ್ ಯಾದವ್‌ ತನ್ನ ಆಜನೇ T20 ಅರ್ಧಶತಕೊನ್ ಈ ಮ್ಯಾಚ್‌ಡ್ ಮಲ್ತೆರ್. ವಿರಾಟ್ ಕೊಹ್ಲಿನ ಅರ್ಧಶತಕ ಆರೆನ T20 ದ 31ನೇ ಅರ್ಧಶತಕ ಆದಿತ್ತ್ಂಡ್.
ಭಾರತೊ ಸವಾಲ್ ಪಾಡಿನ ಈ ಮಲ್ಲ ಸ್ಕೋರ್‌ದ ಬೆರಿಪತ್ತೆರ ಜತ್ತಿನ ಹಾಂಕ್‌ಕಾಂಗ್ 20 ಓವರ್‌ಡ್ 152 ರನ್ ಮನ್ಪೆರ ಮಾತ್ರ ಸಾಧ್ಯ ಆಂಡ್.
ಭಾರತೊದ ಇನ್ನಿಂಗ್ಸ್ ಮುಗಿನನೇ ರಣತ ಲೆಕ ಗೊಬ್ಬುದ್ 26 ಬಾಲ್‌ಡ್ 68 ರನ್ ಮಲ್ತಿನ ಸೂರ್ಯಗ್ ರನ್‌ಮೆಷಿನ್ ಕೊಹ್ಲಿ ತರೆ ತಗ್ಗಾಯಿನ ಫೋಟೊಲಾ ವೈರಲ್ ಆವೊಂದುಂಡು. ಕರಿನ ಮ್ಯಾಚ್‌ಡ್ ಸೀನಿಯರ್ ದಿನೇಶ್ ಕಾರ್ತಿಕ್ ಹಾರ್ದಿಕ್ ಪಾಂಡ್ಯನ ಗೊಬ್ಬು ತೂದು ಇಂಚ ಮಲ್ತಿತ್ತೆರ್.
