Last updated on October 8th, 2022 at 04:33 pm
ಕೇಂದ್ರ ಗ್ರಾಮೀಣಾಭಿವೃದ್ಧಿ ಸಚಿವಾಲಯೊದ ಮುತಾಲಿಕೆಡ್ ನಡತಿನ ‘ಸ್ವಾತಂತ್ರ್ಯೊರ್ದ್ ಅಂತ್ಯೋದಯ ಮುಟ್ಟ’ ಅಭಿಯಾನೊದ ಯಶಸ್ವಿ ಅನುಷ್ಠಾನೊಡು ಕುಡ್ಲ ಜಿಲ್ಲೆ ರಾಷ್ಟ್ರಮಟ್ಟೊಡು 5ನೇ ತಾನೊ ಗೆಂದ್‌ದ್ಂಡ್.
ತನ್ನಾಲ್ಮೆ ಪೊರ್ಮ್ಬಾಟೊದೊಟ್ಟುಗು ಗುರ್ತಿಸಾವೊಂದಿನ ಪೆಜ್ಜಿನ 75 ಜಿಲ್ಲೆಲೆಡ್ ಅಭಿವೃದ್ಧಿ ಕಜ್ಜೊಲೆಗ್ ಆಯಿನಾತ್ ಉಮೇದ್ ಕೊರ್ರ 90 ದಿನೊತ ಈ ಯೋಜನೆದ ಅಟ್ಟನೆ ಆದಿತ್ತ್ಂಡ್. ನೆಟ್ಟ್ ಕುಡ್ಲ ಜಿಲ್ಲೆ 87.40% ದಾತ್ ಯೋಜನೆಲೆನ ಅನುಷ್ಠಾನ ಮಲ್ತ್‌ದ್ 5 ನೇ ತಾನೊ ಗೆಂದ್‌ದ್ಂಡ್.
ಕೇಂದ್ರೊದ 9 ಸಚಿವಾಲಯೊಲೆನ 17 ಯೋಜನೆಲೆನ ಅನುಷ್ಠಾನ ಮಲ್ತ್‌ದ್ ತುಳುನಾಡ ಕುಡ್ಲ ಜಿಲ್ಲೆ ಮಲ್ಲ ಸಾಧನೆ ಮಲ್ದ್ಂಡ್. ನವದೆಹಲಿಡ್ ನಡಪುನ ನೆತ್ತ ಅಭಿನಂದನಾ ಸಮಾರಂಭೊಡು ಜಿಲ್ಲಾಧಿಕಾರಿ ಡಿ.ರಾಜೇಂದ್ರ ಕೆ.ವಿ. ಬೊಕ್ಕ ಜಿಲ್ಲಾ ಮುಖ್ಯ ಕಾರ್ಯನಿರ್ವಾಹಣಾಧಿಕಾರಿ ಡಾ. ಕುಮಾರ್ ಪಾಲ್‌ಪಡೆವರೆಗುಲ್ಲೆರ್.