ಒಂಜಿ ವಾರದ ಉಲಾಯಿ ತುಳು ಶಿಕ್ಷಕೆರೆಗ್ ಗೌರವಧನ

Last updated on October 8th, 2022 at 04:33 pm

ತುಳು ಸಾಹಿತ್ಯ ಅಕಾಡೆಮಿದ ಲೇಸ್’ಡ್ ಪಾತೆರಿನ ಕುಡ್ಲ ಶಾಸಕೆ ವೇದವ್ಯಾಸ ಕಾಮತ್ ತುಳು ಸಾಹಿತ್ಯ ಅಕಾಡೆಮಿದ ಬೇಲೆಲೆನ್ ಪುಗರಿಯೆರ್. ಅಕಾಡೆಮಿದ ಗುರ್ಕಾರೆ ದಯಾನಂದ ಕತ್ತಲ್ಸಾರ್ನ ಬಗೆಟ್ ಪಾತೆರ್ದ್ ತುಳುತ ಬಗ್ಗೆ, ದೈವಾರಾಧನೆದ ಬಗ್ಗೆಟ್ ಒವ್ವೇ ಸಂದೇಹ ಇತ್ತ್ಂಡಲ ಅವೆನ್ ಪರಿಹಾರ ಮಲ್ಪುನ ವಿದ್ವತ್ತ್ ಅರೆಗ್ ಉಂಡು ಪಂಡೆರ್.

ತುಳು ಶಿಕ್ಷಕೆರೆಗ್ ಸಂಬಲ ಬೈಜಿ ಅಕಲೆಗ್ ಸಂಬಲ ದೆಪ್ಪಾದ್ ಕೊರೊಡು ಪನ್ಪಿನ ಮನವಿ ತನ್ಕ್ ಬೈದ್ಂಡ್. ಮಂತ್ರಿಲೆಡ ಅಧಿಕಾರಿಲೆಡ ಉಂದೆತ ಬಗೆಟ್ ಪಾತೆರ್ದೆ, ಬರ್ಪಿ ವಾರದ ಉಲಯಿ ಸಂಬಲ ಬರ್ಪುಂಡು ಪನ್ದ್ ಕಾಮತೆರ್ ಪಂಡೆರ್.