Last updated on September 2nd, 2022 at 11:58 am
ಭಾರತೊದ ನೌಕಾಸೇನೆದ ಪೊಸ ಕೊಡಿನ್ ಇನಿ ಪ್ರಧಾನಿ ನರೇಂದ್ರ ಮೋದಿಯೆರ್ ಲೋಕೊಗೊಪ್ಯಾಯೆರ್. ಸಂಪೂರ್ಣವಾದ್ ದೇಶೊಡೇ ಮಲ್ತಿನ ಬಾನಬಂಡಿ ಕೊನೊಪುನಂಚಿನ ಪಡವು ಐಎನ್‌ಎಸ್ ವಿಕ್ರಾಂತ್‌ದ ಲೋಕಾರ್ಪಣೆದ ಪೊರ್ತುಡು ಪೊಸ ಕೊಡಿಲಾ ರಾಂಡ್. ಪರತಿರಿತ ಮಲ್ಲ ನೌಕಾಸೇನೆಲೆಡೊಂಜಾಯಿನ ಮರಾಠಾ ನೌಕಾಸೇನೆದ ಗುರ್ಕಾರೆ ಶಿವಾಜಿ ಮಹಾರಾಜೆರೆಗ್ ಗೌರವ ಕೊರ್ಪಿನಂಚಿನ ಇಸಯ ಈ ಕೊಡಿಟ್ ಉಂಡು.
ಅಂಚಿನ ಐನ್ ಇಸಯೊಲೆನ್ ಇನೀ ತೆರಿಯೊನುಗ ಬಲೆ
1. ಪೊಸ ಕೊಡಿತ ಮಿತ್ತ್‌ದ ಬಲ ಮರ್ಗಿಲ್‌ಡ್ ನಮ್ಮ ಮುನ್ನಿರೆ ಕೊಡಿ ಉಂಡು. ದತ್ತ ಮರ್ಗಿಲ್‌ಡ್ ನೀಲಿ ರಂಗ್‌ದ ಎಣ್ಮೆರಿ ಆಕಾರೊಡು ನೌಕಾಸೇನೆದ ಲಾಂಛನೊ ಉಂಡು. ನೆಟ್ಟ್ ನೌಕಾಸೇನೆದ ಧ್ಯೇಯವಾಕ್ಯ ‘ರಾಂ ನೌ ವರುಣಃ’ ಪಂದ್ ಸಂಸ್ಕೃತ ಬಾಸೆಡ್ ದೇವನಾಗರಿ ಲಿಪಿಟ್ ಬರೆದುಂಡು
2. ಬಂಗಾರ್ ರಂಗ್‌ದ ರಡ್ಡ್ ಗೀಟ್‌ಡುಪ್ಪುನ ಎಣ್ಮೆರಿ ಆಕಾರ ಮರಾಠಾ ನೌಕಾಸೇನೆದ ಲಾಂಛನೊರ್ದ್ ದೆತೊಂದುಂಡು.
3. ಛತ್ರಪತಿ ಶಿವಾಜಿ ಮಹಾರಾಜೆರ್ನ ನೌಕಾಸೇನೆ 60 ಲಡಾಯಿದ ಪಡವುಲು, 5000 ಆಳ್‌ಲ್ ಇತ್ತೆರ್. ಪಡ್ಡಾಯಿ ಕಡಲ್‌ಡ್ ಫಿರಂಗಿಲೆನ ಕೈರ್ದ್ ಭಾರತೊನು ಒರಿತೊನುನೆಟ್ ಈ ದಂಡ್‌ದ ಸಕಾಯ ಮಾಮಲ್ಲವು. ಅಂಚಾದ್ ಅಕಲೆನ ಅಂಬಲ್‌ಡ್ ಪೊಸ ಕೊಡಿಟ್ ತಾನೊ ಕೊರ್ತುಂಡು.
4. ಕೊಡಿಟುಪ್ಪಿ ನೀಲಿ ರಂಗ್‌ದ ಎಣ್ಮೆರಿ ಆಕಾರ ಭಾರತೊದ ಸೇನೆದ ದೃಷ್ಟಿದ ಬಗ್ಗೆ ಪನ್ಪುಂಡು. 8 ಕಡೆಲಾ ತೂಪುನಂಚಿನ ಶಕ್ತಿ ಉಂಡುಂದ್ ತೂಪವುಂಡು.
5. ಈತ್‌ನೇಟ ಇತ್ತಿನ ಕುರ್ಸುದ ಸಂಕೇತ ಚಾಕಿರಿದ ಸಂಕೇತ ಆದಿತ್ತ್ಂಡ್. ಇನಿ ಅವೆನ್ ದೆತ್ತ್ ಪಾಡ್ದ್ ಸ್ವಾಭಿಮಾನೊದಂಚಿ ನಮ ಪೋವುಂದುಲ್ಲ ಪಂದ್ ಪ್ರಧಾನಿಯೆರ್ ಪಂಡೆರ್.