ಹೆಲಿಕಾಪ್ಟರ್ ಪತನ : ಕಾಯ ಬುಡಿನ ತುಳುನಾಡ್‌ದ ಸೈನಿಕೆ

Last updated on October 22nd, 2022 at 04:49 pm

ಅರುಣಾಚಲ ಪ್ರದೇಶ ರಾಜ್ಯೋದ ಇಟಾನಗರದ ಅಪ್ಪರ್ ಸಿಯಾಂಗ್ ಜಿಲ್ಲೆಡ್ ಸೇನೆದ ಸುಧಾರಿತ ಲಘು ಹೆಲಿಕಾಪ್ಟರ್ ಸುಕ್ರಾರ ಪಂಡ ಕೋಡೆ ಪತನ ಆದಿತ್ತಿನೆಟ್ಟ್ ನಾಲ್ ಜನ ಸೈನಿಕೆರ್ನ ಪುನ ತಿಕ್ಂಡ್ ಒಟ್ಟುಗು ಐನ್ ಜನ ಇತ್ತೆರ್ ಒರಿದಿನ ಒಂಜಿ ಸೈನಿಕನ್ ನಾಡೊಂದುಲ್ಲೆರ್.

ದೇಸೊದ ಮಟ್ಟೆಲ್ಡ್ ಗಡು ಕಾಪುನಗ ಕಾಯ ಬುಡಿನ ನಾಲ್ ಬೀರೆರ್ನ ಪೈಕಿ ಒರಿ ಕಾಸ್‌ರೋಡುದ ಚೆರ್ವತ್ತೂರುದ ಕೆ. ವಿ ಅಶ್ವಿನ್ ಪಂದ್ ಸೇನೆ ತೆರಿಪಾಯೆರ್, ಕೋಡೆ ಸೇನೆದ ಮಲ್ಲ ಅಧಿಕಾರಿಲು ಇಲ್ಲದಕ್ಲೆಗ್ ಫೋನ್ ಮಲ್ತ್ ಇಸಯ ತೆರಿಪಾಯೆರ್. ಕೆ. ವಿ ಅಶ್ವಿನ್ ಮೆರೆಗ್ 24 ಓಡು ಪ್ರಾಯ ಆದಿತ್ತ್ಂಡ್ ಚೂರು ದಿನರ್ದ್ ದುಂಬು ಮೇರ್ ರಜೆಟ್ ಇಲ್ಲಡೆ ಬತ್ತಿತ್ತೆರ್ ಪಂದ್ ಇಲ್ಲ ದಕುಲು ತೆರಿಪಾಯೆರ್.