Last updated on October 3rd, 2022 at 10:33 am
ಇಲ್ಲದಲ್ಪದ ಒರಿ ಜವನೆ ತನ್ನ ತಂಗಡಿಗ್ ದಿನಾಲ ಕಿರುಕುಳ ಕೊರ್ಪಿನೊನ್ ತೂವರೆ ಆವಂದೆ ಇಂಜಿನಿಯರಿಂಗ್ ಕಲ್ಪುನ ಪಲಯೆ ಆಯಗ್ 70 ಸಲ ಬಿಸತಿ ಪಾಡ್ದ್ ಕೆರಿನ ವಿಸಯ ಕರ್ನಾಟಕದ ಕಿನ್ಯಬಲ್ಲಾಪುರಟ್ ನಡತ್ಂಡ್.
ಕಿನ್ಯಬಲ್ಲಾಪುರ ಪೋಲೀಸೆರ್ ಇಂಜಿನಿಯರಿಂಗ್ ಕಲ್ಪುನ ಜೋಕುಲಾಯಿನ ದರ್ಶನ್ ಬೊಕ್ಕ ಅಕ್ಷಯ್ ನ್ ಈ ವಿಸಯೊಡು ಅರೆಸ್ಟ್ ಮಲ್ತೆರ್. ಸೈತಿನಾಯೆ ಕುಂಟುದ ಕಂಪೆನಿಡ್ ಬೇಲೆ ಮಲ್ಪುನ ನಂದನ್ ಪನ್ದ್ ತೆರಿದ್ ಬೈದ್ಂಡ್. ದರ್ಶನ್ ತನ್ನ ತಂಗಡಿನ ಸುದ್ದಿಗ್ ಬರಂದಿಲೆಕ್ಕ ನಂದನ್ ಗ್ ಸುರುಟೇ ಎಚ್ಚರ್ಗೆ ಕೊರ್ದಿತ್ತೆಗೆ ಅವೆನ್ಲಾ ಲೆಕ್ಕೊಗು ದೆತೊನಂದೆ ನಂದನ್ ಪೊಣ್ಣನ ಕೆಲವು ಪಟ ಪಬ್ಲಿಕ್ ಮಲ್ಪುವೆ ಪನ್ದ್ ಪಂತೆಗೆ. ಉಂದೆನ್ ತೆರಿನ ದರ್ಶನ್ ಬೊಕ್ಕ ಆಕನ ಪಾಸಾಡಿ ಅಕ್ಷಯ್ ಪಿಸಿರಿಡ್ ನಂದನ್ ನ್ ತಜೆತ್ ಕೆರಿಯೆರ್.