Last updated on November 14th, 2022 at 08:19 pm
ಸಾನದ ಜೀರ್ಣೋದ್ದಾರದ ದುಂಬುದೇಕಿಡ್ ತಾಂಬೂಲ ಪ್ರಶ್ನೆದ ಪರಿಹಾರ ಕಜ್ಜ ತೇದಿ 11-11-22 ಶನಿಯಾರ ಬಯ್ಯಗ್ 5 ರ್ದ್ ವಿಷ್ಣುಮೂರ್ತಿ ದೇವಲ್ಯದ ಮೂಲ ಪೂಜಾರ್ಮೆದಾರಾಯಿನ ರಘುಪತಿ ಗುಂಡು ಭಟ್ ಮೆರೆನ ಗುರ್ಕಾರ್ಮೆಡ್ ಬೊಕ ಆಗಮನ ಪಂಡಿತೆರಾಯಿನ ವೇ| ಮೂ | ಕುತ್ಯಾರು ಕೇಂಜ ಶ್ರೀಧರ್ ತಂತ್ರಿ ಮೆರೆನ ಉಪಸ್ಥಿತಿಟ್ ಅಘೋರ ಹೋಮ ಬೊಕ್ಕ ಪ್ರೇತ ಕುಲೆ ಬುಡ್ಪಾವುನ ಅಂಚೆನೆ ನನಲಾತ್ ವೈದಿಕ ವಿಧಿ ವಿಧಾನೊಲು ಬಬ್ಬರ್ಯ ಸಾನೊಡು ನಡತ್ಂಡ್.
ಮಟ್ಟಾರ್ ಬಬ್ಬರ್ಯ ಸಾನದ ಗುರ್ಕಾರ್ಲು ಮಟ್ಟಾರ್ ರತ್ನಾಕರ ಹೆಗ್ಡೆ, ಶಿರ್ವ ಗ್ರಾಮ ಪಂಚಾಯತ್ ಪದುಕೆರಾಯಿನ ಮಟ್ಟಾರು ಸುರೇಶ ನಾಯಕ್, ಮೂಡು ಮಟ್ಟಾರ್ ಬಬ್ಬರ್ಯ ಸಾನದ ಗುರ್ಕಾರ್ಲು ಜಗದೀಶ್ ಶೆಟ್ಟಿ, ಮಾನಾದಿಗೆದ ಗುರ್ಕಾರೆ ಶಂಕರ ಶೆಟ್ಟಿ, ಒತ್ತು ಗುರ್ಕಾರ್ಲು ಹರಿಶ್ಚಂದ್ರ ಶೆಟ್ಟಿ, ವಿಠ್ಠಲ್ ಪೂಜಾರಿ, ಮಾನಾದಿಗೆದ ಸಲಹೆಗಾರೆರಾಯಿನ ರಾಜು ಬಿ ಸುವರ್ಣ, ಕಾರ್ಯಂತೆರ್ ಹರೀಶ್ ಪೂಜಾರಿ, ಪನವುದ ಪಾಲವೆರ್ ರವಿ ಪೂಜಾರಿ ಬೊಕ್ಕ ಮಾತಾ ಪದುಕೆರ್ ಒಟ್ಟುಗಿತ್ತೆರ್.