Last updated on November 13th, 2022 at 10:04 am
ಕರ್ನಾಟಕ ರಾಜ್ಯ ಕ್ರಿಕೆಟ್ ಅಸೋಸಿಯೇಷನ್‌ದ ಪೊಸ ಗುರ್ಕಾರೆ ಆದ್ ದತ್ತಕೈ ಸ್ಪಿನ್ನರ್ , ವಿಟ್ಲದ ಪೆರುವಾಯಿದ ರಘುರಾಮ್ ಭಟ್ ಅವಿರೋಧವಾದ್ ಅಜತ್‌ಬೈದೆರ್.
KSCA ದ ದುಂಬುದ ಗುರ್ಕಾರೆಯಾದಿತ್ತಿ ರೋಜರ್ ಬಿನ್ನಿರೆಗ್ BCCI ಗುರ್ಕಾರ್ಮೆದ ಪಟ್ಟ ತಿಕ್ಕಿಬೊಕ್ಕ KSCA ದ ಗುರ್ಕಾರ್ಮೆ ಪಟ್ಟ ಕಾಲಿ ಇತ್ತ್ಂಡ್. ಇತ್ತೆ ಈ ಪಟ್ಟೊಗು 64 ವರ್ಸ ಪ್ರಾಯೊದ ರಘುರಾಮ್ ಭಟ್ ಅಜತ್‌ಬೈದೆರ್. ನೆತ್ತ ಎಲೆಕ್ಷನ್ ನವೆಂಬರ್ 20 ಗ್ ನಿಗಂಟ್ ಆದ್, ನವೆಂಬರ್ 9ಗ್ ನಾಮಪತ್ರ ಪಿರ ದೆತೊನರ ಗಡು ಕೊರ್ದಿತ್ತೆರ್. ನೆಕ್ಕ್ ದುಂಬು ನಾಮಪತ್ರ ಕೊರ್ದಿತ್ತಿನ ಬಿ. ಎನ್. ಮಧುಕರ್, ಸಂಜಯ್ ಪೋಳ್ ಬೊಕ್ಕ ವಿನಯ್ ಮೃತ್ಯುಂಜಯ್ ತನ್ಕುಲೆ ನಾಮಪತ್ರ ಪಿರದೆತೊಂದಿನೆರ್ದಾವರ ರಘುರಾಮ್ ಭಟ್ರ್ ಅವಿರೋಧವಾದ್ ಅಜತ್‌ಬೈದೆರ್.
ಮೇರ್ 1979-80 ದ ಪೊರ್ತುಡ್ ರಣಜಿ ಕ್ರಿಕೆಟ್‌ಗ್ ಕಾರ್‌ದೀದಿತ್ತೆರ್. ಫಸ್ಟ್ ಗ್ರೇಡ್ ಕ್ರಿಕೆಟ್‌ಡ್ ಸುಮಾರ್ 82 ಗೊಬ್ಬುಲೆನ್ ಗೊಬ್ಬುದ್ 374 ವಿಕೆಟ್‌ಲೆನ ಒಟ್ಟುಗು 754 ರನ್‌ಲಾ ಒಟ್ಟು ಮಲ್ದೆರ್. 24 ಸರ್ತಿ 5 ವಿಕೆಟ್ ಗೊಂಚಿಲ್ ಅಂಚೆನೇ 5 ಸರ್ತಿ 10 ವಿಕೆಟ್ ಗೊಂಚಿಲ್‌ದ ಇಸೇಸ ಸಾಧನೆ ಮೆರೆನ ಪುದರ್‌ಡ್ ಉಂಡು.
2 ಇಂಟರ್‌ನೇಷನಲ್ ಟೆಸ್ಟ್ ಗೊಬ್ಬು ಗೊಬ್ಬುದ್ ಕ್ಲೈವ್‌ ಲಾಯ್ಡ್, ಜಾವೇದ್ ಮಿಯಾಂದಾದ್‌ನಕ್ಲೆನಂಚಿನ ಲೆಜೆಂಡ್ ಬ್ಯಾಟ್ಸ್‌ಮನ್‌ರೆನ ವಿಕೆಟ್ ಸೇರ್ದ್ 4 ವಿಕೆಟ್ ಪಡೆವೊಂದೆರ್.
ಕ್ರಿಕೆಟ್ ಬುಡಿಬೊಕ್ಕ ಕೋಚ್, ಅಂಪೈರ್, ಅಜಕೆ ಸಮಿತಿದ ಪದುಕೆ ಆದ್ ಬೆನೊಂದಿತ್ತಿನ ಮೇರ್ 2011ರ್ದ್ ಗೋವಾ ಕ್ರಿಕೆಟ್ ಕೂಟೊದ ಕೋಚ್ ಆದ್ ಬೆನೊಂದುಲ್ಲೆರ್‌.