Last updated on November 12th, 2022 at 05:35 pm
ಕೊರಗಜ್ಜನ ಕಾರ್ನಿಕ ತುಳುನಾಡ್ ಮಾತ್ರ ಅತ್ತಂದೆ ಪಿದಯೂರುಗ್ಲಾ ಪಸೆರ್ದಿನ ನಮಕ್ ಮಾತ ತೆರಿದಿನವು. ಇಂಚಪ್ಪೊಗು ಉಕ್ರೇನ್ ದಕುಲು ಕೊರಗಜ್ಜಗ್ ಅಗೆಲ್ ಕೊರ್ದು ಉಂದೊಂಜಿ ವಿಶಿಷ್ಟ ವಿಷಯವಾಂಡ್. ಬಾಲೆಗ್ ಹುಸಾರಿಪ್ಪಂದಿನದಗ ಕೊರಗಜ್ಜನ ಕೋಲಡ್ ಕೇಂಡಿನೆ ತನಿಯೆ ಪರಿಹಾರ ಮಲ್ತ್ ಕೊರುಂಡ ಅಗೆಲ್ ಕೊರ್ಲೆ ಪನ್ದ್ ಪನ್ದಿತ್ತೆರ್.
ಕೆಲವು ತಿಂಗೊಲ್ದ ದುಂಬು ಉಕ್ರೇನ್ದ ಆ್ಯಂಡ್ರೋ, ಎಲೆನಾ ಬೊಕ್ಕ ಮೊಕ್ಲೆನ ಮಗೆ ಮ್ಯಾಕ್ಸಿಂ ಮಲ್ಪೆಗ್ ತಿರ್ಗರೆ ಬೈದಿತ್ತೆರ್. ಅಲ್ಪೊರ್ದು ಭಕ್ತಿ ಭೂಷಣ್ ಪ್ರಭು ಪನ್ಪಿನ ಸಾಂಪ್ರದಾಯಿಕ ಬೈದ್ಯೆರಡೆ ಪೋದು ತನ್ನ ಬಾಲೆಗ್ ಹುಸಾರುಪ್ಪಂದಿನೆನ್ ಪನ್ದ್ ಪುಲಮರ್ದ್ ದೆತೊನರೆ ಸುರು ಮಲ್ತೆರ್. ಅಂಚೆನೆ ಕೊರಗಜ್ಜನ ಕೋಲದಲ್ಪ ಪೋದು ಕೇನ್ದ್ ಗುಣ ಆಂಡ ಅಗೆಲ್ ಕೊರ್ಪ ಪನ್ದಿತ್ತೆರ್.
ಇಂಚ ಬಾಲೆಗ್ ಗುಣ ಆಯಿನೇ ಮೊಕುಲು ಬತ್ತ್ ದ್ ಕೊರಗಜ್ಜಗ್ ಅಗೆಲ್ ಕೊರ್ತೆರ್. ಪುರ್ಸಾದ ದೆತೊನಿನೇ ನನ ತನ್ಕುಲೆ ಊರುಗು ಪಿರ ಪೋವರೆ ಅಟ್ಟನೆ ಮಲ್ದೆರ್ ಪನ್ದ್ ತೆರಿದ್ ಬೈದ್ಂಡ್.