Last updated on December 23rd, 2022 at 05:00 pm
ಇಲ್ಲಡ್ ಒರ್ತೇ ಇತ್ತಿನ ಪೊಂಜೊವುನ್ ಕಂಬೊಗು ಕಟ್ಟ್ ಪಾಡ್ದ್ ಇಲ್ಲದ ಸಾಮಾನ್ ಕಂಡಿನ ನಡಕೆ ಬಂಟ್ವಾಳದ ಬರಿಮಾರ್ ಡ್ ಡಿಸೆಂಬರ್ 22ಕ್ ನಡತ್ಂಡ್.
ಪವಿತ್ರ ಬೊಕ್ಕ ಅರೆನ ಕನ್ಡನೆ ರೋಹಿತ್ ಬೊಕ್ಕ ರಡ್ಡ್ ಜೋಕುಲು ಕಡೆಕಾನೊಡು ಬದುಕೊಂದಿತ್ತೆರ್. ರೋಹಿತೆರ್ ಐಸ್ ಕ್ರೀಂ ಫ್ಯಾಕ್ಟರಿಡ್ ಬೇಲೆ ಮಲ್ತೊಂದಿತ್ತೆರ್, ಮೇರ್ ಬೇಲೆಗ್ ಪೋದಿತ್ತಿನದಗ ಅಂಚೆನೆ ರಡ್ಡ್ ಜೋಕುಲುಲಾ ಬೆದ್ರದ ಜಂಬೂರಿಗ್ ಪೋದಿಪ್ಪುನಗ ಪೊರ್ತು ತೂದು ಕಲ್ವೆರ್ ಇಲ್ಲಗ್ ಪೊಗ್ಗುದೆರ್. ಮೊಕುಲು ಇಲ್ಲಡ್ ಒರ್ತೇ ಇತ್ತಿನ ಪವಿತ್ರ ಮೆರೆನ್ ಇಲ್ಲದ ವೆರಾಂಡಡ್ ಇತ್ತಿನ ಕಂಗ್ ದ ಕಂಬೊಗು ಕಟ್ಟ್ ದ್ ಇಲ್ಲಡಿತ್ತಿನ ನಾಲ್ ಸಾರ ರೂಪಾಯಿ ಬೊಕ್ಕ ಒಂಜಿ ಗೋಣಿ ಬಜ್ಜೈ ಕಂಡಿಯೆರ್. ಪವಿತ್ರ ಮೆರೆನ ಕರಿಮಣಿನ್ಲಾ ಒಯ್ತ್ ಕೊನೊಯೆರ್ ಅಂಚೆನೆ ಇಲ್ಲದ ಕಬಟ್ ಪೂರಾ ಒಕ್ಕು ಪಾಡಿಯೆರ್.
ಬಂಟ್ವಾಳ ಗ್ರಾಮಾಎತರ ಪೋಲೀಸ್ ಸ್ಟೇಷನ್ ಡ್ ಈ ವಿಷಯೊಡು ಒಯಿಲ್ ಕೊರಿಯೆರ್. ಬಂಟ್ವಾಳ ಎಸ್ಐ ಹರೀಶ್ ಇಲ್ಲಗ್ ಬತ್ತ್ ತೂಯೆರ್. ಪ್ರಕರಣ ತನಿಖೆ ಆವೊಂದುಂಡು.