ರಂಗಸ್ಥಳೊಟೇ ದೇವೆರ್ನ ಪಾದ ಸೇರಿನ ಯಕ್ಷಗಾನ ಕಲಾವಿದೆ ಗುರಿವಪ್ಪ ಬಾಯಾರ್

Last updated on December 23rd, 2022 at 10:32 am

ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ಮೇಳದ ಕಲಾವಿದೆರಾಯಿನ ಗುರುವಪ್ಪ ಬಾಯಾರ್(58) ಮೇರ್ ಗುರುವಾರ ಡಿಸೆಂಬರ್ 22 ತ್ತಾನಿ ರಾತ್ರೆ ಕಟೀಲ್ ಸರಸ್ವತೀ ಸದನೊಡು ನಡತೊಂದಿತ್ತಿನ ಆಟದ ಪೊರ್ತುಡು ರಂಗಸ್ಥಳೊಟೇ ಹೃದಯಾಘಾತವಾದ್ ತೀರಿಯೆರ್.

ಸರಸ್ವತೀ ಸದನೊಡು ಕಟೀಲ್ ನಾಲನೇ ಮೇಳದ ಆಟ ತ್ರಿಜನ್ಮ ಮೋಕ್ಷ ಪ್ರಸಂಗ ನಡತೊಂದಿತ್ತ್ಂಡ್. ಬಾಯಾರ್ ಮೇರ್ ಶಿಶುಪಾಲನ ಪಾತ್ರ ಮಲ್ದಿತ್ತೆರ್. ಪ್ರಸಂಗದ ಕಡೇತ ಭಾಗ ಆವೊಂದಿತ್ತ್ಂಡ್. ಆ ಪೊರ್ತುಡು ರಂಗಸ್ಥಳೊಟು ಉಂತುದಿತ್ತಿನ ಬಾಯಾರ್ ಮೇರ್ ರಂಗಸ್ಥಳೊಡು ತಿರ್ತ್ ಕುಸ್ಕುದ್ ಬೂರಿಯೆರ್.

ಅರೆನ್ ಅಲ್ಪೊರ್ದು ಆಸ್ಪತ್ರೆಗ್ ಕೊನೊಂಡಾಂಡಲ ಆರ್ ತೀರಿಯೆರ್ ಪನ್ದ್ ಘೋಷಣೆ ಆಂಡ್.

ಅಷ್ಟಮಂಗಲ ಪ್ರಸಂಗೊನು ಬರೆದಿತ್ತಿನ ಮೇರ್ ಕರಿನ ಮರಿಯಲೊಟು ಕುಡ್ಲ ಪುರಭವನೊಡು ಆಟ ಗೊಬ್ಬಾದಿತ್ತೆರ್. ಮೇರ್ 2013ಕ್ಕ್ ಕಟೀಲ್ ಮೇಳೊಗು ಸೇರ್ದಿತ್ತೆರ್.