Last updated on December 17th, 2022 at 07:36 am
ಶಾರೂಖ್ ಖಾನ್ ಬೊಕ್ಕ ದೀಪಿಕಾ ಪಡುಕೋಣೆ ಲೀಡ್ ರೋಲ್‌ಡ್ ಇಪ್ಪುನ ಪಠಾಣ್ ಪಿಚ್ಚರ್ದ ‘ಬೇಶರಮ್ ರಂಗ್’ ಪದ ಬಾರಿ ಸುದ್ದಿಡ್ ಉಂಡು.
ಮಧ್ಯಪ್ರದೇಶೊದ ಗೃಹ ಸಚಿವೆ ನರೋತ್ತಮ್ ಮಿಶ್ರ, ದೀಪಿಕಾ ಈ ಪದೊಕು ನಲ್ಪುನಗ ಕೇಸರಿ ರಂಗ್‌ದ ಬಿಕಿನಿ ಪಾಡೊಂದಿನೆಕ್ ಬೆಚ್ಚ ಆದ್ ಈ ಪಿಚ್ಚರ್ನ್ ರಾಜ್ಯೊಡು ನಿಷೇಧ ಮನ್ಪ ಪಂದ್ ಪಂದಿತ್ತೆರ್. ಇತ್ತೆ ಒಂಜಿ ಮುಸ್ಲಿಂ ಸಂಘಟನೆಲಾ ಈ ಪಿಚ್ಚರ್ನ್ ನಿಷೇಧ ಮನ್ಪೆರ ಒತ್ತಾಯ ಮನ್ತೊಂದುಂಡು.
ಈ ಪಿಚ್ಚರ್ಡ್ ಮಸ್ತ್ ಆಕ್ಷೇಪಾರ್ಹ ಇಸಯೊಲು ಉಲ್ಲ, ಮುಸ್ಲಿಂ ಸಮುದಾಯೊನು ಬೊರ್ಚಂದಿನ ಲೆಕ ತೋಜಾದೆರ್. ನೆಕ್ ‘ಪಠಾಣ್’ ಪುದರ್ ದೀದ್ ಪಠಾಣ್ ಜನಾಂಗೊಗು ಅವಮಾನ ಮಲ್ದೆರ್. ನೆತ್ತ್ ಪುದರ್ ಪಗತಿಜಿಂಡ ಪಿಚ್ಚರ್ನ್ ನಿಷೇಧ ಮನ್ಪೆದ ಒತ್ತಾಯ ಮನ್ಪ ಪಂದ್ ಭೋಪಾಲ್ ಮೂಲೊದ ಮುಸ್ಲಿಂ ಸಂಘಟನೆದ ಗೂರ್ಕಾರೆ ಪೀರ್ಜಾದಾ ಖುರ್ರಂ ಮಿಯಾನ್ ಚಿಶ್ತಿ ಪಂಡೆರ್.