ಕತಾರ್ಡ್ ನಡತಿನ ಅಪಘಾತೊಡು ಸಜಿಪದ ಜನ ತೀರಿಯೆರ್

Last updated on December 8th, 2022 at 08:06 am

ಬಂಟ್ವಾಳ : ಕತಾರ್ ಗ್ ಬೇಲೆಗ್ ಪೋದಿತ್ತಿನ ಸಜಿಪದಲ್ಪದ ಕಂಚಿನಡ್ಕಪದವುದ ಹಲೀಮಮ್ಮ ಬೊಕ್ಕ ಅಬೇದುಲ್ ರೆಹಮಾನ್ ಪನ್ಪಿನಕಲೆನ ಮಗೆ 24 ವರ್ಸದ ಫಹದ್ ಅಂಗಾರೆ ರಾತ್ರೆ ನಡತಿನ ಕಾರ್ ಅಪಘಾತೊಡು ತೀರಿಯೆರ್ ಪನ್ದ್ ತೆರಿದ್ ಬೈದ್ಂಡ್.

ಫಹದ್ ಕಾರ್ ಡ್ ತನ್ನ ಧನಿನ ಮಗನ್ ರೆಸಾರ್ಟ್ ಗ್ ಬುಡ್ದ್ ಪಿರ ಬರ್ಪಿನ ಪೊರ್ತುಡು ತಾದಿಡ್ ಕಾರ್ ಕಂಕನೆ ಬೂರಿನೆರ್ದಾವರ ಜೋರು ಪೆಟ್ಟಾದಿತ್ತ್ಂಡ್. ಆಸ್ಪತ್ರೆಗ್ ಕೊನೊಂಡಲ ಮರ್ದ್ ಗ್ ಒತ್ತೊನಂದೆ ತೀರಿಯೆರ್ ಪನ್ದ್ ತೆರಿದ್ ಬೈದ್ಂಡ್. ಮೇರ್ ಕರಿನ ಐನ್ ತಿಂಗೊಲುರ್ದಿಂಚಿ ಕತಾರ್ ಡ್ ಇತ್ತೆರ್.

ಉಂದೆರ್ದ್ ದುಂಬು ಸೈದಿಡ್ ಡ್ರೈವರ್ ಆದ್ ಬೆನೊಂದಿತ್ತಿನ ಫಹಾದ್ ಕೊರೋನದಪಗ ಒಂಜಿ ವರ್ಸ ಊರುಡೇ ಇತ್ತೆರ್. ಇಂಚಪ್ಪೊಗು ಕತಾರ್ ಗ್ ಪೋಯೆರ್. ತೀರೊರ್ದು ದುಂಬು ಇಲ್ಲದಕಲೆಗ್ ಲೆಪ್ಪು ಕೊರ್ದು ಪಾತೆರ್ದಿತ್ತೆರ್ಗೆ.