ತಿಗಲೆ ಇತ್ತಿನಾಯಗ್ ತಿಬಾರ್ : ತಿಬರಾಯನ

Last updated on December 17th, 2022 at 10:45 am

ತುಳುನಾಡ ದೈವಕ್ಷೇತ್ರೊಲೆಡ್ ಪುಗಾರ್ತೆದ ದೈವಕ್ಷೇತ್ರ ವೈದ್ಯನಾಥ ಕೊಡಮನ್ದಾಯನ ತಿಬರ್. ತಿಬರ ತೀರ್ಥೊಗು ವಾ ಇಸೊನ್ಲಾ ತರೆಪುನ ಪಲಿಪು ಉಂಡು ಪನ್ಪಿನ ತುಳುವೆರ್ನ ನಂಬೊಲಿಗೆ.

ದುಂಬುದ ಕಾಲೊಡು ಸೂರಿಂಜೆಗುತ್ತುದ ತ್ಯಾಂಪ ಶೆಟ್ಟಿ ಪನ್ಪಿನಾರ್ ತನಡ ಇತ್ತಿನ ಇಸ ಒಯ್ಪುನ ಕಲ್ಲ್ ನ್ ದೈವೊನು ಎನ್ನೊಂದು ನನ ದುಂಬಗ್ ಈ ಗುವೆಲ್ದ ನೀರ್ ಬೊಕ್ಕ ದೈವದ ಗಂದನೇ ರಾಮಇಸೊಕ್ಲಾ ಮರ್ದಾವಡ್ ಪನ್ದ್ ಗುವೆಲ್ಗ್ ಪಾಡ್ದೆರ್ಗೆ. ಅಂಚಾದ್ ತಿಬಾರ್ದ ಕೊಡಮಂದಾಯಗ್ ವೈದ್ಯನಾಥ ಪನ್ಪಿ ಪುದರ್ ಉಂಡು.

ನಾಗದೋಷ ಆವಡ್ ಒಂಜಿ ವೇಳೆ ಇಲ್ಲಲ್ಪ ನೆಲತ ನಾಗೆ ಬತ್ತೆಡ ತಿಬರ್ದ ತೀರ್ಥ ತಲ್ತ್ ಇಲ್ಲ್ ಜತ್ತ್ ಪೋಲ ಪನ್ಪಿ ನಂಬೊಲಿಗೆಲ ಉಂಡು. ತಿಬರ್ದ ಸುತ್ತದ ಊರುಲೆಡ್ ಮಾತ್ರ ಅತ್ತಂದೆ ತುಳುನಾಡ ಏತೋ ಇಲ್ಲಲೆಡ್ ತಿಬರ್ದ ತೀರ್ಥ ಯಾಪಲಾ ಉಪ್ಪುಂಡು.

ತಿಬರಾಯನ ಡಿಸೆಂಬರ್ 16ರ್ದ್ 23 ಮುಟ್ಟ ನಡಪುಂಡು. ತಿಬರ್ದಾಯನೊಗು ದಿಂಜುನ ಜನ ತೂದು ದುಂಬು ತಿಗಲೆ ಇತ್ತಿನಕಲೆಗ್ ಮಾತ್ರ ತಿಬಾರ್ ಪೋವರೆ ಆಪಿನಿ ಪನ್ಪಿ ಪಾತೆರ ಇತ್ತ್ಂಡ್.