ಪೊಣ್ಣಗ್ ಬೀಸತ್ತಿ ಪಾಡ್ದ್ ಪೊಟ್ಟೆ ಕರ್ಲ್ ಪೀಂಕಾದ್ ಕೆರಿನ ದುಷ್ಕರ್ಮಿ

Last updated on January 17th, 2023 at 02:58 pm

ಪುತ್ತೂರ್: ಜವನ್ದಿ ಒರ್ತಿಗ್ ಬೀಸತ್ತಿ ಪಾಡ್ದ್ ಕೆರಿನ ನಡಕೆ ಪುತ್ತೂರ್‌ದ ಮುಂಡೂರ್ ಪನ್ಪಿನಲ್ಪ ನಡತ್‌ದ್ಂಡ್.

ತೀರ್ನ ಪೊಣ್ಣನ್ ಮುಂಡೂರ್ ಕಂಪದ ಕ. ಗುರುವಪ್ಪ ಬೊಕ್ಕ ದೇವಕಿ ದಂಪತಿಲೆನ ಮಗಲ್ ಜಯಶ್ರೀ (23) ಪಂದ್ ತೆರಿದ್ ಬೈದ್ಂಡ್.

ಇಲ್ಲಡ್ ಅಪ್ಪೆ ಪಿದಯಿ ಪಂತಿಗ್ ಪೋದಿಪ್ಪುನಗ, ಮಗಲ್ ಒರ್ತಿಯೇ ಇತ್ತೊಲು. ಈ ಪೊರ್ತುಡು ಇಲ್ಲಗ್ ಪೊಗ್ಗುದ್ ಪೊಣ್ಣನ ಪೊಟ್ಟೆ ಕರ್ಲ್ ಪೀಂಕುಲೆಕ ಕುತ್ತ್‌ದ್ ಕೆರ್ರ್ಪುನ ಪುನೆಪು ಬತ್ತ್ ಪೋತೆರ್. ಪೊಣ್ಣನ್ ಆಸ್ಪತ್ರೆಗ್ ಕೊನೊಪುನ ಸಾದಿಡೇ ಪೆರಣ ಬುಡ್ತಲ್.

ಜಯಶ್ರೀ ನೆಕ್ಕ್ ದುಂಬು ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಡ್ ಬೇಲೆ ಮಲ್ತೊಂದಿತ್ತ್‌ದ್, ಒಂತೆ ಸಮೆ ದುಂಬು ಬೆಲೆ ಬುಡ್ದಿತ್ತೆರ್. ಪೊಣ್ಣನ ಅಮ್ಮೆರ್ ಕೊರೊನಾರ್ದಾವರ ತೀರ್ದಿತ್ತೆರ್.

ಈ ನಡಕೆದ ಬಗ್ಗೆ ಸಂಪ್ಯ ಪೋಲೀಸೆರ್ ಜಡ್ತೆ ಸುರು ಮಲ್ದೆರ್.