Last updated on January 26th, 2023 at 04:29 pm
ಒಡಿಪು: ಕಾರ್‌ದುಲಯಿ ಕುಲೊಂದು, ಪೆಟ್ರೋಲ್ ಮೈತೊಂದು ಸೂ ಕೊರೊಂದು ಆತ್ಮಹತ್ಯೆ ಮನ್ತೊಂಡಿನ ನಡಕೆ ಕಾರ್ಲ ತಾಲೂಕ್‌ದ ಮುಂಡ್ಕೂರು ಗ್ರಾಮೊದ ಸಚ್ಚರೀಪೇಟೆ ಕುದ್ರೊಟ್ಟು ಪನ್ಪಿನವುಲುಬುಧವಾರ ರಾತ್ರೆ ನಡತ್‌ದ್ಂಡ್. ಮುಂಡ್ಕೂರು ಗ್ರಾಮೊದ ಸಚ್ಚೇರಿಪೇಟೆ ಕುದ್ರೊಟ್ಟು ನಿವಾಸಿ ಕೃಷ್ಣ ಸಪಲಿಗ (46) ಪನ್ಪಿನಾರ್ ಆತ್ಮಹತ್ಯೆ ಮನ್ತೊಂಡಿನ ಜನ.
ಬೇಲೆಡ್ ಕಾರ್ ಡ್ರೈವರ್ ಆದಿತ್ತಿನ ಕೃಷ್ಣೆರ್ ರಾತ್ರೆ ಮೂಜಿ ಗಂಟೆದ ಅಂದಾಜಿಗ್ ತನ್ನ ಮಾರುತಿ ಓಮ್ನಿ ಕಾರ್‌ದುಲಯಿ ಕುಲೊಂದು ಪೆಟ್ರೋಲ್ ಮೈತೊಂದು ಸೂ ಕೊರೊಂದೆರ್.
ಕೃಷ್ಣೆರ್ನ ಮೆಗ್ಯೆ ಶೇಖರ್‌ರೆನ ಇಲ್ಲಡ್ ಮೊಕ್ಲೆನ ಸಂಗಡಿನ ಮಗಲ್ನ ಮದ್ರೆಂಗಿದ ಲೇಸ್ ನಡತೊಂದಿತ್ತ್ಂಡ್. ಸೂ ಕೊರೊನ್ನ ದುಂಬು ಡೆತ್‌ನೋಟ್‌ಡ್ ಒಂತೆ ಜನೊತ ಪುದರ್ ಬರೆದ್ ಕಂಪೌಂಡ್‌ಗ್ ಅಂಟಾದೆರ್. ಕಾರ್ಲ ಪೋಲೀಸೆರ್ ನಡಕೆದ ಜಡ್ತೆ ಮನ್ತೊಂದುಲ್ಲೆರ್.