Last updated on February 10th, 2023 at 08:45 am
ಏಳಿಂಜೆ ಶ್ರೀ ಲಕ್ಷ್ಮೀಜನಾರ್ಧನ ಮಹಾಗಣಪತಿ ದೇಲಂತಡೆಡ್ ಫೆಬ್ರವರಿ 13ಕ್ಕ್ ಕೊಡಿ ಏರ್ದ್ ಫೆಬ್ರವರಿ 16 ಮುಟ್ಟ ಜಾತ್ರೆ ನಡಪರೆಗುಂಡು. ಫೆಬ್ರವರಿ ಪದ್ನಾಲೆಕ್ಕ್ ಕಟ್ಟೆ ಪೂಜೆ ನಡಪರೆಗ್ ಉಂಡು.
ಫೆಬ್ರವರಿ ಪದ್‌ನೈನೆಕ್ಕ್ ದೇವೆರೆಗ್ ಶಯನ. ಪದ್ನಾಜೆಕ್ಕ್ ಬಯ್ಯ ಏಳಿಂಜೆದ ಬಂಡಾರೊದ ಇಲ್ಲರ್ದ್ ಆದಿ ಜಾರಂದಾಯೆ ಬಂಟನ ಬಂಡಾರ ಪಿದಾರ್ದ್ ಕೋರ್ದಬ್ಬು ದೈವದೊಟ್ಟುಗು ಭೇಟಿಯಾದ್ ದೇಲಂತಡೆಗ್ ಬಂಡಾರ ಬರ್ರೆ ಉಂಡು. ಉಚ್ಚಯದ ಬಲಿ, ಮಲ್ಲತೇರ್ ಆದ್ ಜಳಕ, ಆದಿ ಜಾರಂದಾಯೆ ಬಂಟಗ್ ಗಗ್ಗರ ಸೇವೆ, ದೈವ – ದೇವೆರ್ನ ಭೇಟಿ, ಜಳಕದ ಬಲಿ, ಕೊಡಿ ಜಾದ್ ದೈವದ ನೇಮ ಆದ್ ಜಾತ್ರೆ ಸಂಪನ್ನ ಆರೆ ಉಂಡು.