Last updated on February 25th, 2023 at 11:12 am
ಗುರುವಾರ ಕರ್ನಾಟಕೊದ ವಿಧಾನಸಭೆಟ್ ಕನ್ನಡ ಬಾಸೆದ ಪತ್ತ ಬುಲೆಚ್ಚಿಲ್‌ಗ್ ಅಂಚೆನೇ ಕನ್ನಡೆರೆಗ್ ಶಿಕ್ಷಣ ಬೊಕ್ಕ ಬೇಲೆಲೆಡ್ ಎಡ್ಡೇನ ಅವಕಾಸೊಲೆನ್ ಮಲ್ತ್‌ಕೊರ್ರ ಬೋಡಾದ್ ಕನ್ನಡ ಭಾಷಾ ಸಮಗ್ರ ಅಭಿವೃದ್ಧಿ ವಿಧೇಯಕೊನು ಮಾತೆರ್ನಾ ಅನುಮತೊಟು ಅಂಗೀಕಾರ ಮಲ್ದ್ಂಡ್.
ಈ ವಿಧೇಯಕೊನು ಸದನೊಡು ಓದಿಬೊಕ್ಕ ಪಾತೆರ್ನ ಕನ್ನಡೊ ಬೊಕ್ಕ ಸಂಸ್ಕೃತಿ ಸಚಿವೆ ವಿ. ಸುನಿಲ್ ಕುಮಾರ್ ಕನ್ನಡಬಾಸೆದ ಪ್ರಸಾರ, ಒರಿಪು ಬೊಕ್ಕ ಪ್ರಚಾರೊಗು ಕನ್ನಡೊನೇ ಗಲಸುಲೆಕ ಮನ್ಪುನ ಕ್ರಮೊಕ್ಲೆನ್ ಗೆತೊನ್ರ ಕಾನೂನುದ ಆಗತ್ಯತೆ ಉಂಡು. ರಾಜ್ಯೊಡು ಜಾಗೆ, ಸುಂಕೊಡು ರಿಯಾಯ್ತಿ, ಅನುದಾನೊಲು ಅಂಚೆನೇ ಬೇತೆ ಬೇತೆ ಸಾವ್ಕಾಸೊಲೆನ್ ಪಡೆವೊಂದುಪ್ಪುನ ಕೈಗಾರಿಕೆಲು ಅಂಚೆನೇ ಬೇತೆ ಕಾರ್ಯಸಂಸ್ಥೆಲೆಡ್ ಕನ್ನಡೆರೆಗ್ ಬೇಲೆಲೆನ್ ದೆತ್ತ್ ದೀಪುನ ಅಧಿನಿಯಮೊನ್ಲಾ ಅನುಷ್ಠಾನ ಮನ್ಪುನ ಬಗ್ಗೆ ಪಂಡೆರ್.
ರಾಜ್ಯ ಕಾನೂನು ಆಯೋಗ ತನ್ನ 57ನೇ ವರದಿಡ್ ಈ ಇಸಯೊಡೊಂಜಿ ಶಾಸನೊನು ರಚಿಪೆರ ಪಂತ್ಂಡ್. ನೆನ್ನ್ ಮಾತ ಗೇನೊಡು ದೀವೊಂದು ಕರ್ನಾಟಕ ರಾಜಭಾಷಾ ಅಧಿನಿಯಮ-1963 ಬೊಕ್ಕ ಕರ್ನಾಟಕ ಸ್ಥಳೀಯ ಪ್ರಾಧಿಕಾರೊಲೆನ ಅಧಿಕೃತ ಭಾಷೆ -1981 ಈ ರಡ್ಡೆನ್ ನಿರಸನ ಮಲ್ತ್‌ದ್ ಪೊಸ ವಿಧೇಯಕೊನು ಮಂಡನೆ ಮಲ್ದ ಪಂದ್ ಸಚಿವೆರ್ ಪಂಡೆರ್.
ಕರ್ನಾಟಕ ಸ್ಥಳೀಯ ಪ್ರಾಧಿಕಾರೊಲೆನ ಅಧಿಕೃತ ಭಾಷೆ -1981 ದಾದ ಪನ್ಪುಂಡು?
🔸if the population of a linguistic minority within the area of operation of such local
authority is not less than fifteen percent.-
(i) petitions shall be accepted in the language of such minority and as far as
possible replies thereto shall be given in that language;
(ii) hand-outs and publicity material shall also be given in the language of such
minority;
(iii) notices of the local authorities shall also be published in the language of
such minority.
Explanation.- In this section, ‘local authority” includes a statutory corporation
established by or under a law made by the State Legislature with respect to any of the
matters enumerated in List II of the Seventh schedule to the Constitution, and a co-
operative society registered under the Karnataka Co-operative Societies Act, 1959
(Karnataka Act 11 of 1959)
ಈ ನಿಯಮೊದ ಪ್ರಕಾರ ಒವ್ವೇ ಒಂಜಿ ಸ್ಥಳೀಯ ಪ್ರಾಧಿಕಾರ, ಅವೆತ ಕಾರ್ಯವ್ಯಾಪ್ತಿದ ಉಲಯಿ 15% ರ್ದ್ ಎಚ್ಚ ತುಳುವೆರ್ ಇತ್ತೆರ್ನ್ಡ, ಅಕುಲು ತುಳುಟ್ ಸೇವೆಲೆನ್ ಕೇಂಡೆರ್ನ್ಡ ಪ್ರಾಧಿಕಾರ ನಿರಾಕರಿಪೆರ ಬಲ್ಲಿ, ಅತ್ತಂದೆ ಅಂಚಿನಕಲೆಗ್ ತುಳು ಬಾಸೆಡೇ ಸೇವೆಲೆನ್ ಕೊರೊಡು. ಆಂಡ ಇತ್ತೆ ಈ ನಿಯಮೊನು ಪೊಲ್ತ್‌ದ್ ಪೊಸ ವಿಧೇಯಕೊನು ಕನತಿನವು ತುಳುವೆರೆಗ್ ತುಳುಟು ಸೇವೆಲೆನ್ ಗೆತೊನುನ ಅವಕಾಶ ಇಜ್ಜಂದಿ ಲೆಕ ಮಲ್ತ್ ಪಾಡ್ದ್ಂಡ್.
ದಂಡ:
ಕರ್ನಾಟಕೊಡು ಉಂಡಾಪಿನ ಬೊಕ್ಕ ಮಾರುನ ಕೈಗಾರಿಕಾ ಬೊಕ್ಕ ಗ್ರಾಹಕ ಉತ್ಪನ್ನೊಲೆನ ಪುದರ್, ನಿರ್ದೇಶನೊಲು ಬೇತೆ ಬಾಸೆಲೆನ ಒಟ್ಟುಗು ಕನ್ನಡೊಡ್ಲಾ ಇಪ್ಪೊಡೇ.
ರಾಜ್ಯೊದುಲಯಿ 100ರ್ದ್ ಎಚ್ಚ ಬೇಲೆದಕುಲಿಪ್ಪುನ ರಾಜ್ಯ ಬೊಕ್ಕ ಕೇಂದ್ರ ಸರ್ಕಾರೊದ ಕೈಟಿಪ್ಪುನ ಪ್ರತಿಯೊಂಜಿ ಕೈಗಾರಿಕಾ ಸಂಸ್ಥೆ, ಸಾರ್ವಜನಿಕ ವಲಯೊದ ಉದ್ಯಮ, ಬ್ಯಾಂಕ್, ಪ್ರೈವೇಟ್ ಕೈಗಾರಿಕೆಲು ಮಾತಲಾ ಕನ್ನಡೊದ ನಿಚ್ಚ ಗಲಕೆಗ್ ಬೋಡಾದ್ ‘ಕನ್ನಡ ಕೋಶ’ ಉಂಡು ಮನ್ಪೊಡು. ಕನ್ನಡ ಬರಂದಿನ ಬೇಲೆದಕಲೆಗ್ ಕನ್ನಡ ಕಲ್ಪಾಯೆರ ‘ಕನ್ನಡ ಕಲಿಕಾ ಘಟಕ’ ಉಂಡು ಮನ್ಪೊಡು.
ಬ್ಯಾಂಕ್‌ಲೆಡ್ ಬೊಕ್ಕ ಒವ್ವೇ ಕಾಸ್‌ದ ವೈವಾಟ್ ನಡಪುನ ಜಾಗೆಲೆಡ್ ಬೇಲೆಡಿಪ್ಪುನ ಪ್ರತಿಯೊರಿಲಾ ಸಾರ್ವಜನಿಕೆರೆಡ ಪಾತೆರ್ನಗ ಅಂಚೆನೇ ಓಲೆ ಬರೆನಗ ಕನ್ನಡೊನೇ ಗಲಸೊಡು.
ಮಿತ್ತ್‌ದ ಒವ್ವೇ ಅಂಶೊಲೆಗ್ ತತ್ತ್ಂಡ ಅಂಚಿನಕುಲೆಗ್ ಕಡೀರ್ದ ಅಪರಾಧೊಗು ₹5000, ರಡ್ಡನೇ ಅಪರಾಧೊಗು ₹10,000, ಬೊಕಲಾ ಆಂಡ ₹20,000 ಮುಟ್ಟ ಕಟ್ಟೊಡಾದ್ ಬರು ಅಂಚೆನೇ ಅಕ್ಲೆನ ಲೈಸೆನ್ಸ್‌ನ್ಲಾ ಕ್ಯಾನ್ಸಲ್ ಮನ್ಪೊಲಿ.
ತುಳು ಬಾಸೆನ್ ಅಧಿಕೃತ ಬಾಸೆಯಾದ್ ಘೋಷಣೆ ಮನ್ಪೆರ ಬೋಡಾದ್ ವರದಿನ್ ಕೇಂದ್ ಒಂಜಿ ವಾರೊದುಲಯಿ ವರದಿ ಕೊರೊಡು ಪಂಡ್‌ದ್ ವಾರ ಮೂಜಿ ಆವೊಂದು ಬತ್ತ್ಂಡಲಾ ದಾಲ ಸುದ್ದಿ ಇಜ್ಜಿ, ಅವೆತ ನಡುಟಿತ್ತೆ ತುಳುತ ಗಲಕೆಗ್ ಅನು ಕೊರೊಂದಿತ್ತಿನ ನೇಮೊಲೆನ್ ರದ್ದ್ ಮಲ್ತ್‌ದ್ ಸಮಾಜೊದ ಪ್ರತಿ ಮಟ್ಟ್‌ಡ್ ಕನ್ನಡೊನೇ ಪಾತೆರೊಡು ಪನ್ಪಿನ ವಿಧೆಯಕೊನು ತುಳು ವಿರೋಧಿ ವಿಧೇಯಕ ಪಂದ್ ಪನಂದೆ ಬೇತೆ ಪುದರ್‌ಡ್ ಲೆಪ್ಪುನ ಸಮ ಆವಾ?