ಕಾಸರಗೋಡು ಜಿಲ್ಲೆದ ಬೆಳ್ಳೂರುದ ಮುಕ್ಕುಂಜ ಶ್ರೀ ಪೂಮಾಣಿ ಕಿನ್ನಿಮಾಣಿ, ಜುಮಾದಿ ಬೊಕ್ಕ ಪರಿವಾರ ದೈವೊಲೆನ ದೈವಸ್ಥಾನಡ್ ತುಲು ಲಿಪಿ ಪುದರ್ ಪಲವೆ ಅನಾವರಣ

Last updated on February 1st, 2023 at 12:50 pm

ತೇದಿ 31 ಜನವರಿ 2023 ದಾನಿ ಕಾಸರಗೋಡು ಜಿಲ್ಲೆದ ಬೆಳ್ಳೂರುದ ಮುಕ್ಕುಂಜ ಶ್ರೀ ಪೂಮಾಣಿ ಕಿನ್ನಿಮಾಣಿ, ಜುಮಾದಿ ಬೊಕ್ಕ ಪರಿವಾರ ದೈವೊಲೆನ ದೈವಸ್ಥಾನಡ್ ಪೊಸ ಪಾಕ ಶಾಲೆದ ಗಣಹೋಮದೊಟ್ಟುಗು ಉದಿಪನ ಬೊಕ್ಕ ನೇಮದ ಪೊರ್ತುಡು ತುಲು ಲಿಪಿ ಪುದರ್ ಪಲವೆ ಅನಾವರಣ ಮಲ್ತೆರ್.

ದೇವಸ್ಥಾನೊಡು ತುಲು ಲಿಪಿ ಪುದರ್ ಪಲವೆದ ಉದಿಪನೊನು ಮುಕ್ಕುಂಜ ಕ್ಷೇತ್ರದ ಆಡಳಿತಾಧಿಕಾರಿ ಶ್ರೀ ಶಂಕರ ಕಡಂಬಳಿತ್ತಾಯ ಮೇರ್ ಮಲ್ತೆರ್. ಈ ಲೇಸ್‌ಡ್ ಮಲ್ಲ ಬಿನ್ನೆರಾದ್ ಜೈ ತುಲುನಾಡ್ (ರಿ.) ಸಂಘಟನೆದ ಒತ್ತು ಗುರ್ಕಾರೆ ಹರಿಕಾಂತ್ ಸಾಲ್ಯಾನ್ ಕಾಸರಗೋಡು, ಜೈ ತುಲುನಾಡ್ (ರಿ.) ಕಾಸರಗೋಡು ಘಟಕದ ಒತ್ತು ಕಾರ್ಯದರ್ಶಿ ಜಗನ್ನಾಥ್ ಕುಲಾಲ್, ಮುಕ್ಕುಂಜ ಫ್ರೆಂಡ್ಸ್ ಕ್ಲಬ್ ಗುರ್ಕಾರ್ಲಾಯಿನ ಪ್ರದೀಪ್ ಸುವರ್ಣ ಬೊಕ್ಕ ಪದುಕೆರ್ ಅಂಚೆನೆ ಬೇತೆ ಬಿನ್ನೆರ್ ಇತ್ತೆರ್.