Last updated on February 3rd, 2023 at 10:51 am
ಕನ್ನಡ ಬಿಗ್‌ಬಾಸ್‌ದ ಸಾನ್ಯಾ ಅಯ್ಯರ್ ವಿವಾದ ಆಯಿಬೊಕ್ಕ ಪುತ್ತೂರು ಜೋಡುಕರೆ ಕಂಬುಲದ ಬಗೆಟ್ ಅಪಪ್ರಚಾರ ಮಲ್ತೊಂದಿತ್ತಿನಕಲೆನ ವಿರುದ್ದ ಕಂಬುಲ ಸಮಿತಿ ನಿಕುಲೇ ತೂವೊನೊಡು ಪನ್ದ್ ಪುತ್ತೂರು ಮಹಾಲಿಂಗೇಶ್ವರ ದೇವೆರ್ಡ ಪ್ರಾರ್ಥನೆ ಮಲ್ತೆರ್.
ಪುತ್ತೂರು ಕಂಬುಲ ಸಮಿತಿದ ಗುರ್ಕಾರೆ ಚಂದ್ರಹಾಸ ಶೆಟ್ಟಿ, ಮಾಜಿ ಶಾಸಕಿ ಶಕುಂತಲಾ ಶೆಟ್ಟಿ ಸೇರ್ದ್ ಕೋಟಿ ಚೆನ್ನಯ ಕಂಬುಲ ಸಮಿತಿದಕುಲು ಮಹಾಲಿಂಗೇಶ್ವರ ದೇವಲ್ಯೊಡು ಪ್ರಾರ್ಥನೆ ಮಲ್ತೆರ್. ಏರಾ ಒರಿ ನಟಿನೊಟ್ಟುಗು ಅಸಭ್ಯವಾದ್ ನಡತೊಂಡೆ ಪನ್ದ್ ಕಂಬುಲ ಸಮಿತಿವ್ ಜನಕುಲು ದೂರೊಂದುಲ್ಲೆರ್. ಈ ನಡಕೆಗ್ಲಾ ಸಮಿತಿಗ್ಲಾ ಒವ್ವೇ ಸಂಬಂದ ಇಜ್ಜಿ. ಬೊಡ್ಚಾಂದಿನ ಪದೊಕುಲೆಡ್ ಕಣಬುಲ ಸಮಿತಿನ್ ನೆರಿನಕಲೆನ್ ದೇವೆರೇ ತೂವೊನುವೆರ್ ಪನ್ದ್ ಪಂಡೆರ್.
ಸಾನ್ಯಾ ಬಿನ್ನೆರಾದ್ ಕಂಬುಲೊಗು ಬೈದಿತ್ತೆರ್, ಮಿತ್ತ ಚಾವಡಿದ ಲೇಸ್ ಆಯಿನೇ ಆಲ್ ಅಗತ್‌ದಿತ್ತೊಲು. ಅವೆರ್ದ್ ಬೊಕ್ಕ ಆಲ್ ಕುಡ ಕಂಬುಸದ ಕಲೊಕು ಬತ್ತಿನ ಎಂಕಲೆಗ್ ತೆರಿದಿಜ್ಜಿ. ಏರೋ ಒರಿ ಅಲೆನೊಟ್ಟುಗು ಅಸಭ್ಯವಾದ್ ನಡತೆ ಪನ್ದ್ ಕಂಬುಲ ಸಮಿತಿನ್ ದೂರುನ ಸಮ ಅತ್ತ್. ಈ ನಡಕೆದ ಬಗೆಟ್ ಸಾನ್ಯಾ ಪೋಲೀಸೆರೆಗ್ ದೂರು ಕೊರಡ್ ಎಂಕುಲು ಅಲೆಗ್ ಬೆರಿಬಲ ಕೊರ್ಪ. ಕಂಬುಲ ನಡಪುನು ದೇವೆರ್ನ ಕಂಡೊಡು ಅಲ್ಪ ಏರ್ಲಾ ಅನ್ಯಾಯ ಮಲ್ಪರೆ ಬಲ್ಲಿ ಪನ್ದ್ ಶಕುಂತಲಾ ಶೆಟ್ಟಿ ಪಂಡೆರ್.