Last updated on February 18th, 2023 at 08:00 am
ತೇದಿ 16 ಫೆಬ್ರವರಿ 2023ಕ್ ಕಾಸ್ರೋಡ್‌ದ ಶ್ರೀ ಶಂಕರಾಚಾರ್ಯ ಸಂಸ್ಥಾನಂ ಎಡನೀರ್ ಮಠೊತ ಶ್ರೀ ವಿಷ್ಣುಮಂಗಲ ದೇಲಂತಡೆದ ಜಾತ್ರೆದ ಪೊರ್ತುಡು ಶ್ರೀ ಶ್ರೀ ಸಚ್ಚಿದಾನಂದ ಭಾರತೀ ಶ್ರೀಪಾದೆರ್ ಅಂಚೆನೇ ಶ್ರೀ ಶ್ರೀ ಯೋಗಾನಂದ ಸರಸ್ವತೀ ಸ್ವಾಮೀಜಿಯೆರ್ನ ಉಪಸ್ಥಿತಿಟ್, ಕೇರಳದ ದುಂಬುದ ಕಂದಾಯ ಸಚಿವೆ ಶ್ರೀ ಇ ಚಂದ್ರಶೇಖರನ್ ಶ್ರೀ ಮಠೊತ ಎದುರುದ ಪೊಸ ಮಹಾದ್ವಾರ ಸಮರ್ಪಣೆ ಅಂಚೆನೇ ಶ್ರೀ ಶ್ರೀ ಯೋಗಾನಂದ ಸರಸ್ವತೀ ಸ್ವಾಮೀಜಿಯೆರ್ನ ಕೈರ್ದ್ ತುಲು ಪುದರ್‌ಪಲವೆದ ಅನಾವರಣ ಆಂಡ್.
ಶ್ರೀ ಟಿ ಶ್ಯಾಮ್ ಭಟ್ IAS ಬೆಂಗ್ಳೂರ್ ಮೆರೆನ ಗುರ್ಕಾರ್ಮೆಡ್ ನಡತಿನ ಲೇಸ್‌ಡ್ ಮಲ್ಲಬಿನ್ನೆರಾದ್ ಜೈ ತುಲುನಾಡ್ (ರಿ.) ಸಂಘಟನೆದ ಒತ್ತುಗುರ್ಕಾರ್ಲು ಹರಿಕಾಂತ್ ಸಾಲ್ಯಾನ್ ಕಾಸ್ರೋಡ್, ಜೈ ತುಲುನಾಡ್ (ರಿ.) ಕಾಸ್ರೋಡ್ ಎಗ್ಗೆದ ಜತೆ ಕಾರ್ಯಂತೆರ್ ಜಗನ್ನಾಥ್ ಕುಲಾಲ್, ತುಲು ಸಾಹಿತಿ ಶ್ರೀ ವಿಜಯರಾಜ್ ಪುಣಿಂಚತ್ತಾಯೆರ್, ನಿವೃತ ಪ್ರಾಂಶುಪಾಲೆರ್ ಅಂಚೆನೇ ಎಡನೀರ್ ಮಠೊತ ಮೆನೆಜರ್ ಶ್ರೀ ರಾಜೇಂದ್ರ ಕಲ್ಲೂರಾಯ, ವೆಂಕಟ್ ಭಟ್ ಎಡನೀರ್, ಚುಟುಕು ಕವಿ ಬೊಕ್ಕ ವ್ಯಂಗ್ಯಚಿತ್ರ ಕಲಾವಿದೆ ರಾಘವೇಂದ್ರ ಕೆದಿಲಾಯ ಎಡನೀರ್ ಪಾಲ್‌ಗೆತೊಂಡೆರ್. ಪಿ. ರಾಜೇಂದ್ರ ಕಲ್ಲೂರಾಯ ಎದುಕೊಂದು, ಡಾ .ಶ್ರೀಪತಿ ಕಲ್ಲೂರಾಯ ಲೇಸ್ ಸುದಾರ್ಮೆ ಮಲ್ತೆರ್. ಸೂರ್ಯ ಭಟ್ ಎಡನೀರ್ ಸೊಲ್ಮೆ ಸಂದೈತೆರ್.