Last updated on March 27th, 2023 at 10:01 am
ಧಾರ್ಮಿಕ ಕ್ಷೇತ್ರೊಲೆಗ್ ಪುದೆತ ರೂಪೊಡು ಬತ್ತಿನ ಸೊತ್ತುಲು ಕ್ಷೇತ್ರೊದ ಗಲಕೆಗ್ ಬತ್ತಿಜಿಂಡ ಅವೆನ್ ಏಲಂ ಮನ್ಪುನವು ಸಾಮಾನ್ಯ. ಇಂಚ ಏಲಂ ಆನಗ ಎಚ್ಚಾದ್ ಭಕ್ತೆರ್ ಆ ಸೊತ್ತುದ ಇತ್ತಿನ ಮೌಲ್ಯೊರ್ದು ಎಚ್ಚಿನ ಪಣವು ಕೊರ್ದು ಪುರ್ಸದದ ರೂಪೊಡು ಗೆತೊನುವೆರ್. ಇಂಚಿನನೇ ಒಂಜಿ ನಡಕೆ ಮೂಲರಪಟ್ನ ಪಲ್ಲಿಡ್ ನಡತ್‌ದ್ಂಡ್. ಪಲ್ಲಿಡ್ ಏಲಂ ಆವೊಂದಿತ್ತಿನ ಪೆಲಕಾಯಿಯೊಂಜೆನ್ ಒರಿ 4.33 ಲಕ್ಷ ರೂಪಾಯಿಡ್ ಗೆತೊನುನ ಮುಖೇನ ಸುದ್ದಿಯಾತೆರ್.
ಮೂಲರಪಟ್ನ ಪಲ್ಲಿದ ಉದಿಪನ ಲೆಕ್ಕೊಡು ಧಾರ್ಮಿಕ ಪ್ರಭಾಷಣ ಅಟ್ಟನೆ ಆದಿತ್ತ್ಂಡ್. ಸಿರಾಜುದ್ದೀನ್ ಖಾಸಿಮಿ ಮೆರೆನ ಉಪನ್ಯಾಸೊರ್ದ್ ಬೊಕ್ಕ ಪಲ್ಲಿಗ್ ಬತ್ತಿನ ಪೆಲಕಾಯಿನ್ ಏಲಂ ಮನ್ಪೆರ ಆರೇ ಸುರು ಮಲ್ತೆರ್.
ಮುಟ್ಟದ ಪ್ರಮುಖೆರಾಯಿನ ಅಝೀಝ್ ಬೊಕ್ಕ ಲತೀಫ್ ಪನ್ಪಿನಕಲೆನ ನಡುಟ್ ಬಾರಿ ಸ್ಪರ್ಧೆ ಉಂಡಾದ್ ಕಡೆಕ್ ಪೆಲಕಾಯಿ ₹4,33,333ಕ್ ಲತೀಫ್‌ರೆನ ಪಾಲಾಂಡ್.
ನೆತ್ತ ಒಟ್ಟುಗು ಬೇತೆ ಸೊತ್ತುಲ್ಲಾ ಎಡ್ಡೆ ಮೌಲ್ಯೊಗು ಏಲಂ ಆದ್, ಬತ್ತಿನ ಕಾಸ್‌ನ್ ಆಡಳಿತ ಸಮಿತಿಗ್ ಕೊರ್ತುಂಡು ಪಂದ್ ಟಲ್ಲಿದ ಮೂಲೊಲು ತೆರಿಪಾದ.