Last updated on March 29th, 2023 at 09:19 am
ಪ್ರಧಾನಿ ನರೇಂದ್ರ ಮೋದಿಯೆರೆನ ಫೊಟೋ ಪರಿತಿನ ಆರೋಪದ ಮಿತ್ತ್ ಗುಜರಾತ್‌ದ ಕಾಂಗ್ರೆಸ್ ಶಾಸಕಗ್ 99 ರೂಪಾಯಿ ದಂಡ ಪಾಡ್ದ್ ಮ್ಯಾಜಿಸ್ಟ್ರೇಟ್ ತೀರ್ಪು ಕೊರ್ತೆರ್. ವಂಸ್ಡಾ ವಿಧಾನಸಭಾ ಕ್ಷೇತ್ರೊದ ಶಾಸಕೆ ಅನಂತ್ ಪಟೇಲ್ ಭಾರತೀಯ ದಂಡ ಸಂಹಿತೆದ ಸೆಕ್ಷನ್ 447ದ ಅಡಿಟ್ ಅಪರಾಧಿ ಪಂದ್ ಮುಖ್ಯ ನ್ಯಾಯಾಂಗ ಮ್ಯಾಜಿಸ್ಟ್ರೇಟ್ ವಿ ಎ ಧಡಾಲ್ ತೀರ್ಪು ಕೊರ್ತೆರ್.
2017ಟ್ ನಡತಿನ ಈ ನಡಕೆಡ್ ಗುಜರಾತ್‌ದ ನವಸಾರಿ ನ್ಯಾಯಂತಡೆ ಶಿಕ್ಷೆ ಕೊರ್ತುಂಡು. ಕೃಷಿ ವಿಶ್ವವಿದ್ಯಾನಿಲಯೊಡ್ ವಿದ್ಯಾರ್ಥಿಲು ಮಲ್ತಿನ ಪ್ರತಿಭಟನೆದ ಪೊರ್ತು ಉಪಕುಲಪತಿಲೆನ ಅದೆಕ್ ಪೊಗ್ಗುದು ಪ್ರಧಾನಿಲೆನ ಫೋಟೋ ಪರಿತ್‌ಪಾಡ್ದೆರ್ ಪಂದ್ ಶಾಸಕೆರೆ
ಮಿತ್ತಿಪ್ಪುನ ಒಯಿಲ್.
2017 ಟ್, ಜಲಾಲ್‌ಪುರ ಪೊಲೀಸೆರ್ ಪಟೇಲ್ ಬೊಕ್ಕ ಯುವ ಕಾಂಗ್ರೆಸ್ ಪದುಕೆರ್ ಸೇರ್ದ್ ಒರಿನ ಆಜಿ ಜನೊತ ಮಿತ್ತ್ ಬೇತೆಬೇತೆ ಸೆಕ್ಷನ್‌ಲೆನ ಅಡಿಟ್ ಪ್ರಕರಣ ದಾಕಲ್ ಮಲ್ತೊಂದೆರ್. ದಂಡೊದ ಕಾಸ್ 99 ರೂ. ಕಟ್ಟಿಜೆರ್ನ್ಡ ಏಳ್ ದಿನೊತ ಕರ್ಪಿಲ್ಲ ಶಿಕ್ಷೆ ಕೊರೊಡು ಪಂದ್ ಕೋರ್ಟ್ ಪಂತ್ಂಡ್.