Last updated on March 28th, 2023 at 05:31 pm
ಕೊರ್ತಿ ಗಡು ಕರಿಯೊಂದು ಬತ್ತ್ಂಡಲಾ ಎಚ್ಚಿನಕುಲು ಪಾನ್ ಬೊಕ್ಕ ಆಧಾರ್ ಕಾರ್ಡ್‌ಲೆನ್ ಲಿಂಕ್ ಮಲ್ಪೆರಗಾವಂದೆ ಬಙ್ಙ ಬರೊಂದಿತ್ತಿನ ಜನಸಾಮಾನ್ಯೆರೆಗ್ ನೆಮ್ಮದಿದ ಸುದ್ದಿ ಬೈದ್ಂಡ್. ಈ ಕಾರ್ಡ್‌ಲೆನ್ ಲಿಂಕ್ ಮನ್ಪೆರೆ ಕೊರ್ದಿತ್ತಿನ ಗಡುನ್ ಕೇಂದ್ರ ಸರ್ಕಾರ 2023ತ ಜೂನ್ 30ಮುಟ್ಟ ದುಂಬು ಪಾಡ್ದ್ಂಡ್.
ಉ್ಂದೆಕ್ ದುಂಬು 1 ಸಾವಿರ ರೂ ದಂಡದ ಒಟ್ಟುಗು ಆಧಾರ್ ಬೊಕ್ಕ ಪಾನ್ ಕಾರ್ಡ್ ಲಿಂಕ್ ಮನ್ಪೆರೆ 2023ತ ಮಾರ್ಚ್ 31 ಮುಟ್ಟ ಗಡು ಕೊರ್ದಿತ್ತೆರ್. ಅಕೇರಿದ ದಿನ ಮುಟ್ಟ ಬತ್ತಿಲೆಕನೆ ಕೇಂದ್ರ ಸರ್ಕಾರೊದ ಎದ್‌ರ್ ಜನೊಕ್ಲೆನ ಆಕ್ರೋಶ ಜೋರಾದಿತ್ತ್ಂಡ್. ಒಟ್ಟುಗು ಲಿಂಕ್ ಮನ್ಪೆರಗಿತ್ತಿನ ಮಿತ್ತರ್ಮೆ ಇನ್‌ಕಮ್ ಟ್ಯಾಕ್ಸ್ ಪೋರ್ಟಲ್‌‌ಡ್ ಈ ಪೇಜ್ ಓಪನ್ ಆವೊಂದಿಜ್ಜಂಡ್. ಈ ತಾಂತ್ರಿಕ ದೋಷೊಲೆನ ಬಗ್ಗೆ ಎಚ್ಚಿನಕುಲು ಒಯಿಲ್ ಕೊರ್ದಿತ್ತೆರ್. ಇತ್ತೆ ಗಡುನ್ ಜೂನ್ 30 ಮುಟ್ಟ ದುಂಬು ಪಾಡ್ದ ಪಂದ್ ನೇರ ತೆರಿಗೆಲೆನ ಕೇಂದ್ರ ಮಂಡಳಿ (ಸಿಬಿಡಿಟಿ) ಅಂಗಾರೆ ಪಾತೆರ ಬುಡುಗಡೆ ಮಲ್ದ್ಂಡ್.
ಆಧಾರ್‌ಗ್ ಲಿಂಕ್ ಆವಂದಿನ ಪಾನ್ ಕಾರ್ಡ್‌ಲು ಜುಲೈ 1 ರ್ದ್ ಒವ್ವೇ ಬೇಲೆಗ್ ಬರ್ಪುಜ ಪಂದ್ ಸಚಿವಾಲಯ ಪಂತ್ಂಡ್.