Last updated on March 4th, 2023 at 07:30 am
ಇಸ್ವೊಡೇ ಪುದರ್ ಪೋತಿನ ಹಂಪಿದ ಹೇಮಕೂಟ ಪರ್ವತ ಜೈನ ದೇಲಂತಡೆದ ಸ್ಮಾರಕೊದ ಮಿತ್ತ್ ಬರ್ತ್‌ದ್ ನಲ್ತಿನ ಮಂಡ್ಯ ಜಿಲ್ಲೆದ ಪಾಂಡವಪುರ ತಾಲೂಕ್‌ದ ಕಾಳೇನಹಳ್ಳಿದ ರೀಲ್ಸ್ ಸ್ಟಾರ್ ದೀಪಕ್ ಗೌಡನ್ ಹಂಪಿ ಪ್ರವಾಸಿ ಪೋಲೀಸೆರ್ ಅರೆಸ್ಟ್ ಮಲ್ದೆರ್.
ಹಂಪಿಗ್ ಬತ್ತಿತ್ತಿನ ದೀಪಕ್ ಗೌಡೆ ಜೈನ ಮಂದಿರೊದ ಮಿತ್ತ್ ಅಂಚೆನೇ ಐತ ಆಪೆಕ್ ಈಪೆಕ್ ನಲ್ತಿನ ವೀಡಿಯೋಲೆನ್ ಸಾಮಾಜಿಕ ಬಲೆತ್ತಾನೊಡು ಬುಡ್ದಿತ್ತೆ. ವೈರಲ್ ಆತಿನ ಈ ವೀಡಿಯೋಲೆಡ್ ಜೈನ ಮಂದಿರೊದ ಮಿತ್ತ್ ನಲ್ತಿನ ವೀಡಿಯೋನು ತೂದು ಜನೊಕುಲು ಪಿಸ್‌ರಾತೆರ್.
ಸರ್ಕಾರ ಹಂಪೀದ ಪ್ರಮುಖ ಜಾಗೆಲೆಡ್ ಒವ್ವೇ ಕಾರಣೊಗು ಮೊಬೈಲ್ ಕ್ಯಾಮರಾ ಗಲಸೆರೆ ಬಲ್ಲಿ ಪಂದ್ ಆದೇಶ ಕೊರ್ತುಂಡು. ಅಂಚೆನೇ ಇಡೆ ಬರ್ಪಿನ ತರವಾಯೆರ್ ಸ್ಮಾರಕೊಲೆನ್ ಹಾಲ್ ಮಲ್ತೆರ್ನ್ಡ ಅಕ್ಲೆಗ್ ರಡ್ಡ್ ವರ್ಸ ಮುಟ್ಟ ಕರ್ಪಿಲ್ಲ ಸಜೆ ಕೊರೊಲಿ ಪಂದ್ ಶ್ರೀಹರಿಬಾಬು ಬಿ ಎಲ್ ತೆರಿಪಾಯೆರ್.