ಬೆಳ್ಳೂರು ಶ್ರೀ ವಿಷ್ಣುಮೂರ್ತಿ ಕ್ಷೇತ್ರೊಡು ತುಳುಲಿಪಿ ಪುದರ್ ಪಲವೆ

Last updated on March 6th, 2023 at 07:44 pm

ಶ್ರೀ ವಿಷ್ಣುಮೂರ್ತಿ ಕ್ಷೇತ್ರ ಕಲ್ಲೇರಿಮೂಲೆ,ಬೆಳ್ಳೂರು, ಕಾಸರಗೋಡು. ಉಂದೆತ 58ನೇ ವಾರ್ಷಿಕ ಉಚ್ಚಯ ಬೊಕ್ಕ ಜಾತ್ರೋತ್ಸವದ ಪೊರ್ತುಡು 4.3.2023ನೇ ಶನಿಯಾರದಾನಿ ಶ್ರೀ ಕ್ಷೇತ್ರ ಸನ್ನಿಧಿಡ್ ತುಳುಲಿಪಿ ಪುದರ್ ಪಲವೆನ್ ಪಾಡಿಯೆರ್.

ಶ್ರೀ ಕ್ಷೇತ್ರ ಸನ್ನಿಧಿಡ್ ಕ್ಷೇತ್ರ ಪಸಂತ್ರದ ಪೆರಿಯ ಬೆನ್ನಿದಾರ್ ವೊಲಸೆರಿ ಶ್ರೀ ಕೇಶವರ್ ಕ್ಷೇತ್ರದ ತುಳುಲಿಪಿ ಪುದರ್ ಪಲವೆನ್ ಉದಿಪನ ಮಲ್ತೆರ್. ಗುರ್ಕಾರೆಯಾದ್ ಮಾಲೆಂಕಿ ಶ್ರೀಪತಿ ಕಡಂಬಳಿತ್ತಾಯ ಮೇರ್ ಪಾತೆರೊಂದು ಬಾರ್ಕೂರುರ್ದ್ ನಿಲೇಶ್ವರ ಮುಟ್ಟ ಇತ್ತಿನ ತುಳುನಾಡ್ದ ಸಂಸ್ಕೃತಿ, ಆಚಾರ, ವಿಚಾರ ಬೊಕ್ಕ ತುಳು ಭಾಷೆ, ಲಿಪಿ ಉಂದೆನ್ ಉಳಿಸಿ ಬುಲೆಪಾವುನೆಟ್ಟ್ ಜೈ ತುಲುನಾಡ್ (ರಿ.) ಸಂಘಟನೆ ಮಲ್ತೊಂದಿತ್ತಿನ ಕಜ್ಜೊನು ಪುಗರಿಯೆರ್. ಸುಬ್ರಹ್ಮಣ್ಯ ಕಡಂಬಳಿತ್ತಾಯೆರ್ ಪಾತೆರ್ದ್ ಸಂಘಟನೆಗ್ ಬೋಡಾಪಿನ ಸಂಪೂರ್ಣ ಬೆರಿಬಲ ಕೊರ್ಪೆ ಪನ್ದ್ ಪಂಡೆರ್.

ಲೇಸ್ ಡ್ ಬಿನ್ನೆರಾದ್ ಕ್ಷೇತ್ರ ಆಡಳಿತ ಅಧಿಕಾರಿ ವೊಲಸೆರಿ ಶ್ರೀ ಸೂರ್ಯನಾರಾಯಣ ಕಡಂಬಳಿತ್ತಾಯ, ಜೈ ತುಳುನಾಡ್ ಸಂಘಟನೆತ ಸುಶಾಂತ್ ಕುಲಾಲ್, ಮಾಸ್ಟರ್ ಸನ್ವಿತ್ ಕುಲಾಲ್, ಬೇಬಿ ಸನ್ನಿಧಿ ಕುಲಾಲ್ ಬೊಕ್ಕ ಬಾಕಿದಕುಲು ಇತ್ತೆರ್. ಲೇಸ್ ದ ಅಕೇರಿಡ್ ಜೈ ತುಲುನಾಡ್ ಸಂಘಟನೆದ ವತಿರ್ದ್ ಜಗನ್ನಾಥ್ ಕುಲಾಲ್ ಮೇರ್ ವೊಲಸಿರಿ ಸೂರ್ಯನಾರಾಯಣ ಕಡಂಬಳಿತ್ತಾಯ ಮೆರೆಗ್ ನೆಂಪುದ ಕಾಣಿಗೆ ಕೊರಿಯೆರ್.