Last updated on April 17th, 2023 at 10:55 am
ಬಿಜೆಪಿ ಬುಡಿನ ಮಾಜಿ ಮುಖ್ಯಮಂತ್ರಿ ಜಗದೀಶ್ ಶೆಟ್ಟರ್ ಇನಿ ಕಾಂಡೆ ಕಾಂಗ್ರೇಸ್ ಸೇರಿಯೆರ್. ಎಐಸಿಸಿ ಗುರ್ಕಾರೆ ಮಲ್ಲಿಕಾರ್ಜುನ ಖರ್ಗೆ, ಕೆಪಿಸಿಸಿ ಗುರ್ಕಾರೆ ಡಿ.ಕೆ ಶಿವಕುಮಾರ್, ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯೆರ್ನ ಎದುರು ಕಾಂಗ್ರೇಸ್ ಗ್ ಸೇರಿಯೆರ್.
ಕಾಂಗ್ರೇಸ್ ಸೇರ್ದ್ ಪಾತೆರಿನ ಶೆಟ್ಟರ್ ಜನಸಂಘೊಡು ಬೊಕ್ಕ ಬಿಜೆಪಿಡ್ ಸಕ್ರಿಯವಾದಿತ್ತಿನ ಕುಟುಮ ಎಂಕ್ಲೆನ. ಈ ರಾಜ್ಯೊಡು ಬಿಜೆಪಿನ್ ಕಟ್ಟ್ ದ್ ಬುಲೆಪಾಯಿನೆಟ್ಟ್ ಯಾನ್ಲಾ ಒರಿ, ಆಂಡ ಬಿಜೆಪಿರ್ದ್ ಟಿಕೆಟ್ ಕೊರಂದೆ ಎಂಕ್ ಅವಮಾನ ಮಲ್ತೆರ್. ಯಾನ್ ಲಿಂಗಾಯತೆರೆನ ಪೆರಿಯ ನಾಯಕೆ ಪನ್ದ್ ಬಿಜೆಪಿಡ್ ಕೆಲವೆರ್ ಎನನ್ ದೊಂಕರೆ ತೂಯೆರ್. ಉಂದು ಎನ್ನ ಬೊಕ್ಕ ಕಾಂಗ್ರೇಸ್ ಪಕ್ಷದ ಪಾಲ್ ಗ್ ಪೊಸ ಅಧ್ಯಾಯ. ರಾಜ್ಯೊಡು ಕಾಂಗ್ರೇಸ್ ಕಟ್ಟರೆ ಪುನೆಪು ಬರ್ಪೆ ಪಂಡೆರ್