Last updated on April 3rd, 2023 at 06:21 pm
ಆರ್‌ಸಿ‌ಬಿ ದಕುಲು ತನ್ಕುಲೆನ ಅಫೀಶಿಯಲ್ ಟ್ವಿಟರ್ ಹ್ಯಾಂಡಲ್‌ಡ್ ದೈವಾರಾಧನೆದ ಅನುಕರಣೆ ಮಲ್ದಿನ ಪಟ ಪಟ್ಟೊಂದೆರ್ ಮಾತ್ರ ಅತ್ತಂದೆ ಕೋಡೆ ದ ಮ್ಯಾಚ್‌ಡ್ ದೈವಾರಾಧನೆಗ್ ಅವಮಾನ ಆಪಿನಂಚಿನ ರಡ್ಡ್ ಮೂಜಿ ನಡಕೆಲು ನಡತ್ಂಡ್. ಮೋನೆಗ್ ಬಣ್ಣ ಪೂಜೊಂದು ದೈವದ ಲೆಕ್ಕ ಏಸ ಪಾಡೊಂದಿನಲ ತೋಜಿಂಡ್. ದಿನೊರ್ದು ದಿನ ದೈವಾರಾಧನೆದ ಮೂಲೊಗೇ ಪೆಟ್ಟ್ ಬೂರುಲೆಕ್ಕ ಅವಮಾನ ಆಪಿನೆನ್ ತೂಯಿನ ತುಳುವೆರ್ ಇತ್ತೆ ಆಕ್ರೋಶ ಪಿದಯಿ ಪಾಡೊಂದುಲ್ಲೆರ್. ತುಳುವೆರೆನ ಆಕ್ರೋಶ ರಿಷಭ್ ಶೆಟ್ಟಿನಂಚಿಲಾ ತಿರ್ಗೊಂದುಂಡು. ಕಾಂತಾರ ಒಂಜೆಟ್ಟೇ ಈತ್ ಪೂರಾ ಆಯಿನ್ ಪನ್ದ್ ಸೋಶಿಯಲ್ ಮೀಡಿಯಾಡ್ ಪನೊಂದುಲ್ಲೆರ್. ಇತ್ತೆ ಕುಡ ಕಾಂತಾರ -2 ಮಲ್ಪರೆ ಪಿದಡಿನೆಕ್ಕ್ ತುಳುವೆರ್ ಸಾಪ್ಯೊಂದುಲ್ಲೆರ್. ದಿನೊರ್ದು ದಿನ ದೈವೊಲೆನ್ ಅನುಕರಣೆ ಮಲ್ತ್ ಅಪಮಾನ ಆಪಿಲೆಕ್ಕಂತಿನ ನಡಕೆ ಘಟ್ಟದ ಮಿತ್ತ್ ದಿಂಜ ಆವೊಂದುಂಡು.