Last updated on April 3rd, 2023 at 12:31 pm
ಬದಿಯಡ್ಕ ಕೈತಲ್ದ ವಿದ್ಯಾಗಿರಿ ಮುಲ್ಪದ ಶ್ರೀ ಗುಳಿಗ ಬೊಕ್ಕ ಶ್ರೀ ಕೊರಗತನಿಯ ದೈವ ಸನ್ನಿಧಿಡ್ ಶನಿವಾರದಾನಿ ತುಳು ಲಿಪಿತ ಪುದರ್ ಪಲವೆ ಉದಿಪನ ಮಲ್ತೆರ್. ಈ ಲೇಸ್ ಡ್ ಬದಿಯಡ್ಕದ ಗ್ರಾಮ ಪಂಚಾಯತ್ ಮೆಂಬರ್ ಶ್ರೀ ಬಾಲಕೃಷ್ಣ ಶೆಟ್ಟಿ ಮೇರ್ ಗುರ್ಕಾರ್ಮೆ ವೈಸೊಂದೆರ್, ಮೇರ್ ಮೆರೆನ ಭಾಷಣಡ್ ತುಳು ಬಾಷೆ ಬೇಗೊಡು 8ನೇ ಪರಿಚ್ಚೆದಗ್ ಗೋಡ್ಯುಲೆಕ್ಕಾವಡ್ ಪನ್ದ್ ಪಂಡೆರ್. ಜಾಗೆದ ಪೆರಿಯ ದೈವ ಪಾತ್ರಿ ಶ್ರೀ ನಿಟ್ಟೋನಿ ಮೇರ್ ತುಳು ಲಿಪಿ ಪುದರ್ ಪಲವೆನ್ ಉದಿಪನ ಮಲ್ತೆರ್. ವಿಟ್ಲ ಸರಕಾರಿ ಪದವಿ ಕಾಲೇಜಿನ ನಿವೃತ್ತ ಪ್ರಾಂಶುಪಾಲರಾಯಿನ ವೈ ಶಂಕರಪಾಟಾಳಿ ಮೇರ್ ಪಾತೆರೊಂದು ತುಲು ಭಾಷೆ, ಲಿಪಿ ತುಳುನಾಡ್ ಡ್ ಮಾತ್ರ ಅತ್ತಂದೆ ಬೇತೆ ಪಿದಯಿ ರಾಜ್ಯ ಲೆಡ್ಲಾ ಪಸೆರಡ್ ಅಂಚೆನೆ ತುಳುನಾಡ್ದ ಸಂಸ್ಕೃತಿ ಲೋಕೊಡು ಪಸೆರಡ್ ಪಂಡೆರ್ . ಜೈ ತುಳುನಾಡ್ (ರಿ ) ಸಂಘಟನೆದ ಅಧ್ಯಕ್ಷರಾಯಿನ ಹರಿಕಾಂತ್ ಸಾಲಿಯಾನ್ ಮೇರ್ ಲೇಸ್ ನ್ ಎದ್ಕೊನುದು ನಿರೂಪಣೆ ಮಲ್ತೆರ್,ಜೈ ತುಳುನಾಡು ಸಂಘಟನೆದ ಸಹ ಕಾರ್ಯದರ್ಶಿ, ಜಗನ್ನಾಥ್ ಕುಲಾಲ್ ಮೇರ್ ಸೊಲ್ಮೆ ಸಂದಾಯೆರ್. ಜೈತುಳುನಾಡ್ ಸಂಘಟನೆದ ಪದುಕೆ ಸುಶಾಂತ್ ಕುಲಾಲ್ ಸಹಕರಿಸಾಯೆರ್. ಲೇಸ್ದ ಅಕೇರಿಡ್ ಶ್ರೀ ಸನ್ನಿದಿದ ದೈವ ಪಾತ್ರಿ ಕೇಶವ ಮೆರೆಗ್ ಜೈ ತುಳುನಾಡು ಸಂಘಟನೆತ ಲೆಕ್ಕೊಡು ನೆಂಪುದ ಕಾಣಿಗೆ ಕೊರಿಯೆರ್.
