Last updated on April 17th, 2023 at 08:13 am
ಪ್ರಧಾನಿ ನರೇಂದ್ರ ಮೋದಿ ಬಿಜೆಪಿ ಸಮಾವೇಶೊಡು ಪಾಲ್ ಪಡೆಯರೆ ಮೇ 4ಕ್ಕ್ ಒಡಿಪುಗು ಬರ್ಪಿನ ಸಾಧ್ಯತೆ ಉನ್ಡು ಪನ್ದ್ ಬಿಜೆಪಿ ಮೂಲೊರ್ದು ಪಾತೆರ ಕೇನ್ದ್ ಬರೊಂದುಂಡು.
ಮೇ 4ಕ್ಕ್ ಒಡಿಪು ಜಿಲ್ಲಾ ಕೇಂದ್ರ ಇಜಿಂಡ ಕೈತಲ್ದ ಒವ್ವಾಂಡಲ ಜಾಗೆಡ್ ಸಮಾವೇಶ ನಡತ್ ಅವೆಟ್ ಪ್ರಧಾನಿ ಮೋದಿ ಪಕ್ಷದ ಪರವಾದ್ ಪ್ರಚಾರ ಮಲ್ಪರೆ ಉಲ್ಲೆರ್ ಪನ್ದ್ ಕೇಂದ್ರ ನಾಯಕೆರ್ ಒಡಿಪು ಜಿಲ್ಲೆದ ಪ್ರಮುಖೆರೆಗ್ ಪನ್ತೆರ್ ಪನ್ಪಿನ ಪಾತೆರ ಉಂಡು.
ಯೋಗಿ ಆದಿತ್ಯನಾಥೆರ್ಲಾ ಓಟುದ ಪ್ರಚಾರೊಗು ತುಳುನಾಡ್ ಗ್ ಬರ್ಪಿನ ಸಾಧ್ಯತೆ ಉಂಡು. ಅಂಚೆನೆ ಕಾಂಗ್ರೇಸ್ ದ ರಾಷ್ಟ್ರೀಯ ನಾಯಕೆರ್ಲಾ ಜಿಲ್ಲೆಗ್ ಬರಿಯರೆ ಅಟ್ಟನೆ ಮಲ್ತೊಂದುಲ್ಲೆರ್.