ಉಬಾರ್ : ನೇತ್ರಾವತಿಡ್ ಪಿಂಡ ಬುಡ್ರೆಲಾ ನೀರ್ ಇಜ್ಜಿ

Last updated on April 27th, 2023 at 05:20 pm

ತುದೆಕುಲೆನ ಸಂಗಮ ಜಾಗೆ ಉಬಾರ್‌ಡ್ ತುಳುವೆರ್ ಪಿಂಡ ಬುಡುಂಡ ಸೈಕಿನಕಲೆಗ್ ಮೋಕ್ಷ ತಿಕ್ಕುಂಡು ಪನ್ಪಿನ ನಂಬೊಲಿಗೆ ಇತ್ತಿನಕುಲು. ಆಂಡ ಈ ಜಾಗೆಡ್ ಇತ್ತೆ ನೇತ್ರಾವತಿ ತುದೆಟ್ ನೀರ್ ದಾಂತೆ ಪೊಯ್ಯೆದ ಕಲ ಆತ್ಂಡ್. ಈ ವರ್ಸ ತುದೆ ಬಚ್ಚಿದ್ ನೀರ್ ಆಜಿದ್ ಇಡೀ ತುಳುನಾಡ್ ಅರೆಗಲದ ಬೇಂಕೆಡ್ ಕರ್ಂಚೊಂದುಂಡು. ಪಿಂಡ ಬುಡ್ರೆ ಬರೊಂದಿತ್ತಿನ ಜಾಗೆಡ್ ಇತ್ತೆ ನೀರ್ ದಾಂತೆ ಒಂತೆ ದುಂಬು ಕುಮಾರಧಾರ ತುದೆತಂಚಿ ಪೋದು ಬುಡ್ಪಿನ ಪರಿಸ್ಥಿತಿ ಬೈದ್ಂಡ್. ಅಂಚಿಡ್ ಪಯಸ್ವಿನಿ, ಸೋಮಾವತಿ ತುದೆಲಾ ಬಚ್ಚಿದ್ಂಡ್. ನಂದಿನಿ ತುದೆತ ಪರಪುಲಾ ಅಲ್ಪಲ್ಪ ಉಂತುದುಂಡ್. ಈತ್ ಪೂರಾ ತುಳುನಾಡ್‌ದ ಜೀವೊದ ತುದೆಕುಲು ಬಚ್ಚಿಂಡಲಾ ಪ್ರತೀ ವರ್ಸ ಕೋಟಿ ಕೋಟಿದ ಎತ್ತಿನಹೊಳೆ ಯೋಜನೆ ಸರಕಾರೊಲು ಮಲ್ತೊಂದಿಪ್ಪುನ ಇತ್ತೆ ತುಳುವೆರ್ ಪಿಸಿರಾತೆರ್. ತುಳುವೆರೆಗೇ ನೀರ್ ದಾಂತಿನಪಗ ನನ ಬೇತೆ ಕಡೆಕ್ ಮುಲ್ತು ನೀರ್ ಕೊನೊದು ನೆಟೆದ ಮಂದೆ ಮುರ್ಗ ಪಕ್ಕಿಲೆನ್ ಕೆರ್ಪಿನ ಯೋಜನೆ ಉಂದು ಪನ್ದ್ ಜನಕುಲು ಸೋಶಿಯಲ್ ಮೀಡಿಯಾಡ್ ಪಾಡ್ದೆರ್.