Last updated on May 21st, 2023 at 03:04 pm
ರಾಯಚೂರು: 9 ವರ್ಸೊದ ಬಾಲೆ ಮುದಲೆದ ದಾಳಿಗ್ ಬಲಿಯಾತಿನ ಕಲುನಡಕೆ ರಾಯಚೂರು ತಾಲೂಕ್‌ದ ಕುರುವಕಲಾ ಗ್ರಾಮೊಡು ನಡತ್‌ದ್ಂಡ್.
ನವೀನ್ ಮುದಲೆದ ದಾಳಿಗ್ ಬಲಿಯಾತಿನ ಬಾಲೆ. ಶಾಲೆಗ್ ರಜೆ ಇತ್ತಿನೆರ್ದಾವರ ಅಪ್ಪೆ-ಅಮ್ಮನೊಟ್ಟುಗು ಕಂಡೊಗು ಪೋದಿತ್ತಿನ ಹುಡುಗೆ ಅಂಗದನೆ ಆಯಿನೆಕ್ ಪರ್ಪಿ ನೀರ್ ಕನಯೆರೆ ಕೃಷ್ಣಾ ಸುದೆಕ್ ಪೋತೆ.
ಸುದೆ ಕರೆಟ್ ಮುದಲೆ ಇತ್ತಿನ ಬಗ್ಗೆ ಪಿನಂದೆ ನೀರ್ ದಿಂಜವೊನೆರೆ ಪೋತಿನ ಬಾಲೆದ ಮಿತ್ತ್ ದಾಳಿ ಮಲ್ತ್ ಮುದಲೆ ಒಯ್ತೊಂದು ಪೋತುಂಡು.
ನವೀನ್‌ನ ಪುಣೊನು ಸುದೆಟ್ ನಾಡೊಂದುಲ್ಲೆರ್.
ಕೃಷ್ಣಾ ಸುದೆಟ್ ಮುದಲೆಲೆನ ಉಪದ್ರ ಎಚ್ಚ ಆತ್ಂಡ್. ಕರಿನ ವರ್ಸೊಲಾ ಜಿಲ್ಲೆಡ್ ಮುದಲೆ ದಾಳಿಗ್ ಪವನ್ ಪನ್ಪಿ ಜವನೆ ಬಲಿಯಾದಿತ್ತೆ.
ಬಾಲೆ ನವೀನ್‌ಗಾದ್ ಕೃಷ್ಣಾ ಸುದೆಟ್ ಶೋಧ ಕಾರ್ಯ ಸುರು ಆತ್ಂಡ್. ಯಾಪಲದಿನ್ನಿ ಪೊಲೀಸೆರ್, ಅಗ್ನಿಶಾಮಕ ದಳೊತ ಒಟ್ಟುಗು ಕಾರ್ಯಾಚರಣೆ ಮಲ್ತೊಂದುಲ್ಲೆರ್.