Last updated on June 13th, 2023 at 07:55 am
ಕುಡ್ಲ : ಇನೊವಾ ಕಾರ್ ಒಂಜಿ ಬೈಕ್‌ಗ್ ಎಡ್ತ್ ಪದ್ರಾಡಾದಿತ್ತ್ಂಡ್. ಬೈಕ್‌ಡ್ ಇತ್ತಿನ ಮೂಡೂರುದ ತೇಜಸ್ ಕುಲಾಲ್ ಮೆರೆಗ್ ದಡೀತ ಪೆಟ್ಟಾದ್ ಆಸ್ಪತ್ರೆಗ್ ಕೊನೊದಿತ್ತೆರ್. ಅಲ್ಪ ಮರ್ದ್ ಪಲಿಪಂದೆ ಮೇರ್ ತೀರ್ ಪೋಯೆರ್. ಜೂನ್ 4ಕ್ಕ್ ತನ್ನ ಬೈಕ್‌ಗ್ ಪೆಟ್ರೋಲ್ ದಿಂಜಾವರೆ ಪೆಟ್ರೋಲ್ ಬಂಕ್‌ದಂಚಿ ಬೈಕ್ ಬುಡೊಂದು ತೇಜಸೆರ್ ಬರೊಂದಿಪ್ಪುನಗ ಕೇರಳ ರಾಜ್ಯ ರಿಜಿಸ್ಟರ್ ಆತಿನ ಇನೋವಾ ಕಾರ್ ಒಂಜಿ ಎಡ್ತ್ ಅಲ್ಪೊರ್ದು ಬಲ್ದಿತ್ತ್ಂಡ್. ಜೂನ್ 4ಕ್ಕ್ ಈ ನಡಕೆ ನಡದಿತ್ತ್ಂಡ್. ಅಪಗನೇ ತೇಜಸೆರೆನ್ ದೇರಳಕಟ್ಟೆದ ಪ್ರೈವೇಟ್ ಆಸ್ಪತ್ರೆಗ್ ಕೊನೊಯೆರ್. ಅಲ್ಪ ಮೇರ್ ಕೋಮಾಡ್ ಇತ್ತೆರ್, ಅಲ್ಪೊರ್ದು ಕುಡ್ಲದ ಕೆಎಂಸಿಗ್ ಕನತೆರ್. ಮರ್ದ್ ಪಲಿಪಂದೆ ಜೂನ್ 12ಕ್ಕ್ ಮೇರ್ ತೀರಿಯೆರ್.