Last updated on August 15th, 2023 at 06:41 pm
ಉಬಾರ್: ಝೀ ಕನ್ನಡ ವಾಹಿನಿಡ್ ಪತ್ತ್ ವರ್ಸ ಕರಿದ್ ಪಿರ ಸುರು ಆತಿನ ಜೋಕುಲೆನ ಗೇಮ್ ಶೋ ಛೋಟಾ ಚಾಂಪಿಯನ್‌ಡ್ ರಾಮಕುಂಜ ಗ್ರಾಮೊದ ಸುಜಿತ್ ಎಸ್ ಪನ್ಪಿನಾರೆನ ಮಗಲ್ ಆತ್ಮಿ ಗೌಡ ಎಸ್.(3.11ವ.) ಕಡೀರ ತಾನೊ ಗೆಂದುನೆತ ಒಟ್ಟುಗು ರೂ.50,000 ನ್ಲಾ ಗೆಂದ್‌ದೆರ್. ಈ ಗೊಬ್ಬುದ ಪಂತೊಡು ಒಟ್ಟು 5 ಜನ ಜೋಕುಲು ಪಾಲ್‌ಗೆತೊಂದಿತ್ತೆರ್.
ದುಂಬು ಸೃಜನ್ ಲೋಕೇಶ್ ಸುದಾರ್ತೊಂದಿತ್ತಿನ 2ರ್ದ್ 6 ವರ್ಸೊದ ಜೋಕುಲೆನ ಈ ಪಂತೊನು ಇತ್ತೆ ಕುರಿ ಪ್ರತಾಪ್ ಬೊಕ್ಕ ಶ್ವೇತಾ ಚಂಗಪ್ಪ ಸುದಾರ್ತೊಂದುಲ್ಲೆರ್. ಬೆಂಗ್ಳೂರ್‌ಡ್ ನಡತಿನ ಆಡಿಷನ್‌ಡ್ ಅಜತ್‌ಬತ್ತಿನ ಆತ್ಮಿ ಗೌಡ ಬೊಕ್ಕದ 3 ಸುತ್ತುದ ಆಡಿಷನ್‌ಡ್ ಗೆಂದ್‌ದ್ ಅಕೇರಿದ ಸುತ್ತುಗು ಅಜತ್‌ಬೈದಿತ್ತೆರ್. ಜೂ.24 ಬೊಕ್ಕ 25ತಾನಿ ಈ ಶೋ ಪ್ರಸಾರ ಆದ್, ಆತ್ಮಿ ಗೌಡ ಕಡೀರ ತಾನೊ ಗೆಂದ್‌ದೆರ್. ಕಡಬ ತಾಲೂಕ್‌ದ ರಾಮಕುಂಜ ಗ್ರಾಮೊದ ಸಂಪ್ಯಾಡಿ ನಿವಾಸಿ ಸುಜಿತ್ ಎಸ್. ಬೊಕ್ಕ ಉಮಾಶ್ರೀ ಪಿ.ಬಿ. ದಂಪತಿಲೆನ ಮಗಲಾದುಪ್ಪುನ ಆತ್ಮಿ ಗೌಡ ಎಸ್, ಸಂಪ್ಯಾಡಿದ ಜೋಗಪ್ಪ ಗೌಡ ಬೊಕ್ಕ ಚಂದ್ರಾವತಿ ದಂಪತಿಲೆನ ಪುಲ್ಲಿ.