ಹೀರೋ ಇಂಟರ್ಕಾಂಟಿನೆಂಟಲ್ ಕಪ್ ಗೆಂದಿನ ಭಾರತ, ಗೆಲ್ಮೆಡ್ ಮಲ್ಲ ಪಾಲ್ ತುಳುವೆ ನಿಖಿಲ್ ಪೂಜಾರಿನ

Last updated on August 15th, 2023 at 06:44 pm

ಭಾರತದ ಫುಟ್ಬಾಲ್ ಪರತಿರಿಟ್ ಪೊಸತೊಂಜಿ ಯುಗ ಸುರು ಆತ್ಂಡ್ ಪಂಡಲ ತಪ್ಪಾವಂದ್, ಭಾರತ ಕೋಡೆ ನಡತಿನ ಹೀರೋ ಇಂಟರ್ಕಾಂಟಿನೆಂಟಲ್ ಕಪ್‌ನ್ ಲೆಬನಾನ್ ದೇಸೊನು 2-0 ಡು ಸೋಪಾಯೆರ್.

ಉಂದು ಲೆಬನಾನ್ ದೇಸೊದ ಎದುರು ಭಾರತದ ರಡ್ಡನೇ ಗೆಲ್ಮೆ. ಭಾರತದ ಪರ ಸುನಿಲ್ ಛೇಟ್ರಿ, ಸಂದೇಶ್ ಜಿಂಗನ್ ಪೊರ್ಲುಡು ಗೊಬ್ಬಿಯೆರ್. ತುಳುನಾಡ್‌ದ ಜವನೆ ನಿಖಿಲ್ ಪೂಜಾರಿ ಇನಿತ್ತ ಗೆಲ್ಮೆಗ್ ಒಂಜಿ ಮಲ್ಲ ನೆವನ ಪಂಡಲ ತಪ್ಪಾವಂದ್, ಸುನಿಲ್ ಛೇಟ್ರಿ ಹಾಕಿನ ಗೋಲ್‌ನ್ ಪಾಸ್ ಮಲ್ತ್ ಕೊರ್ತಿನ ನಿಖಿಲ್‌ನ ಗೊಬ್ಬುದ ವಿಡಿಯೋ ಇತ್ತೆ ವೈರಲ್ ಆವೊಂದುಂಡು. ತುಳುವೆ ಒರಿ ದೇಸೊದ ಪರ ಗೊಬ್ಬುನವು ನಮಕ್ಕ್ ಮಾತೆರೆಗ್ಲಾ ಪೆರ್ಮೆದ ಇಸಯ.