Last updated on August 15th, 2023 at 06:44 pm
ಕರ್ನಾಟಕ ರಾಜ್ಯೊಡು ಕರೆಂಟ್ ಬಿಲ್‌ದ ರೇಟ್ ಎಚ್ಚ ಮಲ್ತಿನೆನ್ ವಿರೋಧಿತ್‌ದ್ ಕರ್ನಾಟಕ ಛೇಂಬರ್ ಆಫ್ ಕಾಮರ್ಸ್ ಬೊಕ್ಕ ಇಂಡಸ್ಟ್ರಿ (KCCI) ಜೂನ್ 22ಕ್ ಕರ್ನಾಟಕ ಬಂದ್‌ಗ್ ಲೆಪ್ಪು ಕೊರ್ತುಂಡು.
ರಾಜ್ಯೊಡು ಮೇ ತಿಂಗೊಲುಡು ಕರೆಂಟ್‌ದ ರೇಟ್ ಎಚ್ಚ ಮಲ್ತಿತ್ತ್ಂಡ್. ಬಿಜೆಪಿದಕುಲು ಕಾಂಗ್ರೆಸ್ ಮಲ್ತಿನ ಪಂದ್, ಕಾಂಗ್ರೆಸ್‌ದಕುಲು ಬಿಜೆಪಿ ಮಲ್ತಿನ ಪಂದ್ ಒರ್ಯನ ಮಿತ್ತ್ ಒರಿ ಕಂಪ ರಟ್ಟಾವೊಂದುಲ್ಲೆರ್.ಈ ರೆಟ್‌ ಎಚ್ಚ ಮಲ್ತಿನೆನ್ ಇತ್ತೆದ ಸರ್ಕಾರ ಪಿರಗೆತೊನೊಡು ಪಂದ್ KCCI ಜೂನ್ 10 ಮುಟ್ಟದ ಗಡು ಕೊರ್ದು, ಪೊರ್ಮ್ಬಾಟೊದ ಎಚ್ಚರ್ಗೆಲಾ ಕೊರ್ದಿತ್ತ್ಂಡ್. ಇತ್ತೆ ಸರ್ಕಾರ ಈ ರೇಟ್‌ನ್ ಪಿರಗೆತೊನಂದಿನೆರ್ದಾವರ ಜೂನ್ 22 ಕ್ ಕರ್ನಾಟಕ ಬಂದ್‌ಗ್ ಲೆಪ್ಪು ಕೊರ್ತುಂಡು.
ಭಾರತೊದ ರಾಜ್ಯೊಲೆಡ್ ಪೊಸ ಸರ್ಕಾರ ಉಂಡಾದ್ ಒಂಜಿ ತಿಂಗೊಲ್ದ ಉಲಯಿಡೇ ಸರ್ಕಾರೊದ ನಿರ್ಧಾರೊದ ವಿರುದ್ಧವಾದ್ ರಾಜ್ಯ ಬಂದ್‌ಗ್ ಲೆಪ್ಪು ಕೊರ್ತಿನ ಉ್ಂದುವೇ ಸುರು ಪಂದ್ ರಾಜಕೀಯ ವಿಶ್ಲೇಷಕೆರ್ ಪನೊಂದುಲ್ಲೆರ್.