Last updated on June 17th, 2023 at 12:56 pm
ಎಂಬಿಎ ವಿದ್ಯಾರ್ಥಿ ಒರಾನೆ ಉಸಾರ್‌ತತ್ತ್‌ದ್ ತೀರಿನ ಘಟನೆ ನಡಕೆ ಸುಳ್ಯ ತಾಲೂಕ್‌ದ ಬೆಳ್ಳಾರೆ ಪನ್ಪಿನಲ್ಪ ನಡತ್‌ದ್ಂಡ್. ಬೆಳ್ಳಾರೆದ ಉದ್ಯಮಿ, ಪ್ರಸಾದ್ ಹಾರ್ಡ್‌ವೇರ್ಸ್‌ದ ಧನಿ ಸುಬ್ರಹ್ಮಣ್ಯ ಜೋಷಿಲೆನ ಮಗೆ ಶರತ್
ಜೋಷಿ (21) ತೀರ್ದಿನ ಜವನೆ.
ಶರತ್ ಜೋಷಿ ಕುಡ್ಲದ ಶ್ರೀನಿವಾಸ ಕಾಲೇಜ್‌ಡ್ ಎಂ.ಬಿ.ಎ ಕಲ್ತೊಂದಿತ್ತ್‌ದ್, ಕೋಡೆ ಪರೀಕ್ಷೆ ಬರೆದ್ ಇಲ್ಲಗ್ ಬತ್ತಿತ್ತೆರ್. ರಾತ್ರೆ ಉಸಾರ್‌ತತ್ತಿನೆರ್ದಾವರ ಅಪಗನೇ ಆರೆನ್ ಪುತ್ತೂರ್‌ದ ಖಾಸಗಿ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಂಡ ಆಸ್ಪತ್ರೆ ಎತ್ತೆರಾನಗ ಜೂವ ಪೋದಿತ್ತ್ಂಡ್ ಪಂದ್ ತೆರಿದ್ ಬೈದ್ಂಡ್.
ಹಾರ್ಟ್ ಅಟ್ಯಾಕ್‌ ಆದ್ ತೀರ್‌ದಿಪ್ಪೆರ್ ಪಂದ್ ಅಂದಾಜಿ ಮಲ್ತೊಂದುಲ್ಲೆರ್ ಆಂಡ ಪುತ್ತೂರು ಸರಕಾರಿ ಆಸ್ಪತ್ರೆಡ್ ತೀರಿನಾರೆನ ಮರಣೋತ್ತರ ಪರೀಕ್ಷೆ ನಡತಿ ಬೊಕ್ಕನೇ ಸಾವುದ ನೆವನ ತೆರಿದ್ ಬರೊಡಾತೆ.
ಮೇರ್ ಅಮ್ಮೆರ್, ಅಪ್ಪೆ ಶ್ಯಾಮಲ ಎಸ್. ಜೋಶಿ, ಪಲಿ ಡಾ. ಶರಣ್ಯ ಅಖಿಲೇಶ್‌ರೆನ್ ಅಗತ್‌ಪೋತೆರ್.